రాజేంద్రనగర్, ఫిబ్రవరి 12: అతివేగంగా దూసుకువచ్చిన లారీ అదుపుతప్పి మూడు కార్లను ఢీకొట్టిన సంఘటన మైలార్‌దేవ్‌పల్లి పోలీసుస్టేషన్ పరిధిలో చోటుచేసుకుంది. పోలీసులు తెలిపిన వివరాల ప్రకారం.. నగర శివారు మైలార్‌దేవ్‌పల్లిలో అర్ధరాత్రి ఓ లారీ బీభత్సం సృష్టించింది. అతివేగంతో దూసుకువచ్చిన లారీ అదుపుతప్పి రోడ్డుపై వెళ్తున్న మూడు కార్లను ఢీకొట్టింది. ప్రమాదంలో ముగ్గురు వ్యక్తులు తీవ్రంగా గాయపడ్డారు.

రాజేంద్రనగర్, ఫిబ్రవరి 12: ఆడుకుంటూ ఓ విద్యుత్ స్తంభాన్ని పట్టుకొని బాలుడు మృత్యువాతపడ్డ సంఘటన రాజేంద్రనగర్ పోలీసుస్టేషన్ పరిధిలో చోటుచేసుకుంది. పోలీసుల కథనం ప్రకారం.. రంగారెడ్డి జిల్లా గండిపేట మండలం పీరంచెరువు సమీపంలో పెబెల్ సిటీలో తమిళనాడు రాష్ట్రానికి చెందిన దివాకర్ భార్య, కుమారుడు వౌనీష్‌తో కలిసి ఉంటున్నాడు. దివాకర్ చెన్నైలో సాఫ్ట్‌వేర్ ఇంజనీర్‌గా పని చేస్తున్నారు.

ఆత్మకూరు, ఫిబ్రవరి 12: మండల పరిధిలోని తోపుదుర్తి సమీపాన సోమవారం రాత్రి జరిగిన రోడ్డు ప్రమాదంలో గాయపడిన ధనుంజయను చికిత్స కోసం మంగళవారం బెంగళూరు తరలించగా ఆసుపత్రిలోకి వెళ్ళగానే మృత్యువాత పడినట్లు పోలీసులు తెలిపారు. మృతదేహానికి పోస్టుమార్టరం నిర్వహించి పోలీసులు కేసు నమోదు చేసుకుని దర్యాప్తు చేపట్టారు. గాయపడిన మరో యువకుడు ఓబుళరెడ్డిని కర్నూలు ఆసుపత్రికి తరలించారని తెలిపారు.

కురుపాం, ఫిబ్రవరి 12: ఇటీవల తప్పిపోయిన బాలికను పట్టుకుని తల్లిదండ్రులకు అప్పగించామని కురుపాం ఎస్‌ఐ పి దినకర్ తెలిపారు. మంగళవారం ఆయన విలేఖర్లతో మాట్లాడుతూ ఇంటర్మీడియట్ ద్వితీయ సంవత్సరం చదువుతున్న వంజరాపు కావ్య ఇటీవల కనిపించకుండా పోయిందని, దీనిపై కేసు నమోదుచేసి దర్యాప్తు చేశామన్నారు. ఈమేరకు సింహాచలంలో బాలికను పట్టుకుని కురుపాం తీసుకువచ్చిన తల్లిదండ్రులకు అప్పగించామన్నారు.