నందమూరి బాలకృష్ణ -మాస్ దర్శకుడు బోయపాటి శ్రీనుల కాంబినేషన్ అంటే ఆ క్రేజే వేరు. వీరిద్దరి కాంబినేషన్‌లో వచ్చిన ‘సింహా’ సంచలన విజయం సాధిస్తే ఆ తరువాత వచ్చిన ‘లెజెండ్’ అంతకుమించి హిట్ అందుకుంది. అందుకే బాలయ్య-బోయపాటి కలయికలో వచ్చే సినిమా కోసం అటు నందమూరి అభిమానులు కూడా ఆసక్తి ఎదురుచూస్తున్నారు.

‘టచ్ చేసి చూడు’ చిత్రంతో ఇటీవలే ప్రేక్షకుల్ని పలకరించిన రవితేజ ప్రస్తుతం ‘నేల టికెట్’ చిత్ర పనుల్లో బిజీగా ఉన్నారు. భారీ బడ్జెట్‌తో రూపొందుతున్న ఈ సినిమా కోసం రామోజీ ఫిల్మ్ సిటీలో భారీ సెట్ వేశారట. ఈ సెట్లోనే ఎక్కువ శాతం షూటింగ్ జరగనుందని తెలుస్తోంది. మే నెల ఆరంభానికి షూటింగ్ మొత్తం పూర్తయి అదే నెలాఖరున చిత్రం విడుదలవుతుందట.

అఖిల్ మూడో సినిమా డైరెక్టర్ వెంకీ అట్లూరితో చెయ్యబోతున్నాడు. బివిఎస్‌ఎన్ ప్రసాద్ ఈ సినిమాకు నిర్మాత. స్క్రిప్ట్ వర్క్ జరుగుతున్న ఈ సినిమా పూజా కార్యక్రమాలు ఈనెల 26న జరగబోతున్నాయి. వెంకీ అట్లూరి చెప్పిన పాయింట్ నచ్చడంతో నాగార్జున ఈ స్క్రిప్ట్ ఓకే చేశారని తెలుస్తోంది. ఈ ప్రాజెక్టుకు సంబంధించి పూర్తి వివరాలు ముహూర్తం రోజున తెలియనున్నాయి. ముందుగా అఖిల్ సినిమా కొరటాలతో ఉంటుందని వార్తలు వచ్చాయి.

అందాల చందమామ కాజల్ క్రేజ్ ఈమధ్య కాస్త తగ్గినట్లు కనిపిస్తోంది. ‘నేనే రాజు నేనే మంత్రి’ తరువాత ఇప్పటిదాకా ఒక్క సినిమాలోనూ కనిపించడంలేదు. ప్రస్తుతం ఆమె నటిస్తున్న ఒకే ఒక్క చిత్రం ఎంఎల్‌ఏ. నందమూరి కళ్యాణ్‌రామ్ సరసన నటిస్తున్న కాజల్‌కు అటు కొత్త అవకాశాలు కూడా రావడంలేదు. దీనికి కారణం ఈమధ్య చేసిన సినిమాలన్నీ వరుస పరాజయాలు అందుకోవడంతో ఈ అమ్మడికి అవకాశాలు తగ్గాయి.