న్యూఢిల్లీ/కోల్‌కతా, మే 2:సుప్రీం కోర్టు ప్రధాన న్యాయమూర్తి సహా ఏడుగురు న్యాయమూర్తులకు కోల్‌కతా హైకోర్టు న్యాయమూర్తి సిఎస్ కర్నన్ మంగళవారం నాన్ బెయిలబుల్ వారెంట్లు జారీ చేసి సరికొత్త సంచలనానికి తెరతీశారు.తాను ఆదేశించినట్టుగా వీరందరూ తన ముందు హాజరు కానందుకే ఈ వారెంట్లు జారీ చేస్తున్నట్టు తెలిపారు.

న్యూఢిల్లీ, మే 2: ఆధార్‌ను పాన్‌కార్డుకు అనుసంధానం చేయడాన్ని కేంద్ర ప్రభుత్వం మంగళవారం గట్టిగా సమర్థించుకుంది. ఈ అనుసంధానత తప్పని సరి అని, దీని వల్ల ఓ బలమైన, స్థిరమైన వ్యవస్థ ఏర్పాటుకు ఆస్కారం ఏర్పడుతుందని సుప్రీం కోర్టుకు నివేదించింది. నకిలీ పాన్ కార్డుల జాడ్యాన్ని కూడా ఆధార్‌ను అనుసంధానత వల్ల అరికట్ట వచ్చునని అటార్నీ జనరల్ ముకుల్ రోహద్గీ తెలిపారు.

న్యూఢిల్లీ, మే 2: ఇద్దరు భారత జవాన్ల శరీరాలను ఛిద్రం చేసి, తలలు నరికేసిన కిరాతక చర్యపై భారత్ ఆరోపణలను పాకిస్తాన్ నిర్ద్వంద్వంగా తిరస్కరించింది. ‘చర్యలు తీసుకోదగిన సాక్ష్యాల’ను చూపించాలని స్పష్టం చేసింది. ‘‘పాకిస్తాన్ సైన్యం వృత్తిపరంగా నిబద్ధత కలిగిన సైన్యం. అత్యున్నత ప్రమాణాలు, నైతిక ప్రవర్తన కలిగిన సైనికులు మావాళ్లు. భారత జవాన్ల శరీరాలు ఛిద్రం చేశారంటూ భారత్ ఆరోపణలు చేయటం అసంబద్ధమైంది.

న్యూఢిల్లీ, మే 1: నిరంతరం క్రమంగా పెరుగుతున్న ఉగ్రవాద ముప్పు ఉభయ దేశాలను కలవరపరుస్తున్న అంశమని భారత్, టర్కీ పేర్కొన్నాయి. ఉగ్రవాదం సరయిందని, సక్రమమయిందని చెప్పగలిగే కారణం లేదా హేతువు ఏదీ లేదని పేర్కొన్నాయి. ఉగ్రవాద శక్తులకు ఆశ్రయమిచ్చే, మద్దతిచ్చేవారికి వ్యతిరేకంగా కఠిన చర్యలు తీసుకోవాల్సిన అవసరం ఉందని గట్టిగా చెప్పాయి.