న్యూఢిల్లీ, అక్టోబర్ 27: తమ ప్రాంతంలోనే కాకుండా ప్రపంచంలోని మిగతా ప్రాంతాల్లో భద్రత, సుస్థిరత, సుఖసంతోషాలను పెంపొందించడంలో భారత్, న్యూజిలాండ్ కలిసి పని చేయగలవని రాష్టప్రతి ప్రణబ్ ముఖర్జీ అన్నారు. మన దేశంలో పర్యటిస్తున్న న్యూజిలాండ్ ప్రధాని జాన్ కీకి రాష్టప్రతి భవన్ వద్ద స్వాగతం పలుకుతూ రాష్టప్రతి ఈ వ్యాఖ్యలు చేశారు. కీ బుధవారం రాష్టప్రతిని కలిశారు.

న్యూఢిల్లీ, అక్టోబర్ 27: కేంద్ర ప్రభుత్వ ఉద్యోగులకు మూడు రోజుల ముందే దీపావళి వచ్చింది. 2 శాతం డిఏ పెంచుతూ గురువారం జరిగిన కేంద్ర కేబినెట్ నిర్ణయం తీసుకుంది. 50 లక్షల మంది ఉద్యోగులు, 58 లక్షల మంది పెన్షనర్లు లబ్ధిపొందనున్నారు. పెంచిన డిఏ 2016 జూలై 1 నుంచి అమలు చేస్తారు. వినియోగ ధరల పెంపు సూచీకి అనుగుణంగా ప్రభుత్వం డిఏ నిర్ణయిస్తుంది.

న్యూఢిల్లీ, అక్టోబర్ 27: సివిల్ సర్వీస్ ప్రిలిమినరీ పరీక్షల షెడ్యూల్‌లో మార్పులు చేశారు. వచ్చే ఏడాది ఆగస్టులో జరగాల్సి ఉన్న ప్రిలిమ్స్ రెండు నెలల ముందు జరిపారు. జూన్‌లో పరీక్షలు జరుగుతాయని యుపిఎస్‌సి వర్గాలు వెల్లడించాయి. 2017 సివిల్స్ ప్రిలిమ్స్‌కు సంబంధించి సర్వీస్ కమిషన్ పరీక్షల కేలండర్‌లో జూన్ 18న పరీక్ష ఉంటుందని స్పష్టం చేశారు.

న్యూఢిల్లీ, అక్టోబర్ 27: ఎన్నికల అవినితీ చట్టం పరిధి, విస్తృతిపై సుప్రీం కోర్టు తన తీర్పును గురువారం రిజర్వ్ చేసింది. మతం, జాతి, కులం, సమాజం, భాషల పేరుతో ఓట్లు అడగటం అవినీతి పరిధిలోకి వస్తుందా రాదా అన్న అంశంపై సుప్రీం కోర్టు ప్రధాన న్యాయమూర్తి జస్టిస్ టి.ఎస్. ఠాకూర్ నేతృత్వంలోని విస్తృత ధర్మాసనం తీర్పును రిజర్వు చేస్తున్నట్లు ప్రకటించింది. ‘‘మతం పేరుతో ఓట్లు అడగటం అంటే ఏమిటి? ఎవరి మతం?