ఖాజీపేట,డిసెంబర్ 8: రాష్ట్రంలోని కడప జిల్లా, తెలంగాణలోని ఖమ్మం జిల్లాల్లో త్వరలో ఉక్కు కర్మాగారాలు ఏర్పాటవుతాయని ఉప రాష్టప్రతి వెంకయ్యనాయుడు అన్నారు. ఉక్కు కర్మాగారాల నిర్మాణం పనులు పురోగతిలో ఉన్నాయన్నారు. కడప జిల్లా ప్రొద్దుటూరులో శుక్రవారం జరిగిన అనిబిసెంట్ మున్సిపల్ స్కూల్ శతాబ్ధి ఉత్సవాల్లో పాల్గొన్న వెంకయ్య మాట్లాడుతూ కర్మాగారాలకు సంబంధించిన ఫైళ్లు కేంద్ర మంత్రుల వద్ద ఉన్నాయన్నారు.

కరీంనగర్, డిసెంబర్ 8: కోటి ఏకరాలకు సాగు నీరందించే లక్ష్యంలో భాగంగా ప్రభుత్వం ప్రతిష్ఠాత్మకంగా చేపట్టిన కాళేశ్వరం ఎత్తిపోతల పథకం సకాలంలో పూర్తిచేయాలని సీఎం కేసీఆర్ అధికారులను ఆదేశించారు. అన్నిపనులు సమాంతరంగా, పటిష్టంగా, సకాలంలో జరిగేలా చూడాలని, వచ్చే వర్షాకాలం నుంచి వీలైనంతమేర నీటిని గోదావరి నంచి తీసుకోవాలని సూచించారు.

ప్రొద్దుటూరు, డిసెంబర్ 8: అమ్మాయిలను చదివించడం పవిత్ర కార్యమని ఉప రాష్టప్రతి వెంకయ్యనాయుడు అన్నారు. వేదకాలం నుంచి మహిళలకు ప్రాముఖ్యత ఉందన్నారు. కడప జిల్లా ప్రొద్దుటూరులోని అనిబిసెంట్ మున్సిపల్ స్కూల్ శతాబ్ధి ఉత్సవాలకు ముఖ్యఅతిధిగా విచ్చేసిన వెంకయ్య మాట్లాడుతూ అమ్మాయిలను చదివించడం తల్లిదండ్రుల బాధ్యత అన్నారు.

చింతూరు, డిసెంబర్ 8: తూర్పు గోదావరి జిల్లా చింతూరు- మారేడుమిల్లి ఘాట్ రోడ్డులో గురువారం అర్థరాత్రి ఘోర రోడ్డు ప్రమాదం సంభవించింది. అదుపుతప్పిన మినీ వ్యాను (టాటా ఏస్) లోయలోకి బోల్తాపడిన దుర్ఘటనలో ఐదుగురు మృతిచెందగా, ఏడుగురు తీవ్రంగా గాయపడ్డారు. ఘటనాస్థలంలోనే నలుగురు మృతిచెందగా, ఆసుపత్రికి తరలిస్తుండగా మరొకరు మృతిచెందారు.