హైదరాబాద్, నవంబర్ 18: సినీ మేనేజింగ్ పార్టనర్ల ఆస్తుల వివాదం పోలీస్ ఠాణాకు ఎక్కింది. 12ఏళ్లుగా భాగస్వామ్యం ఉన్న వ్యాపారం వీడిపోయింది. తన అనుమతి లేకుండానే భూములు అమ్మాడని ఆరోపిస్తూ తన వ్యాపార భాగస్వామి చింతలపూడి శ్రీనివాస్‌పై అక్కినేని నాగార్జున సోదరి నాగ సుశీల పంజగుట్ట పోలీసులకు ఫిర్యాదు చేసింది. శ్రీనివాస్ సహ 13మందిపై ఆమె ఫిర్యాదు చేశారు. ఈమేరకు కేసు నమోదు చేసుకున్న పోలీసులు విచారణ చేపట్టారు.

హైదరాబాద్, నవంబర్ 18: అంతర్జాతీయ ఔత్సాహిక పారిశ్రామిక వేత్తల సదస్సుకు రంగం సిద్ధం అవుతోంది. 150 దేశాల నుండి 1500 మంది ప్రతినిధులు ఈ సదస్సుకు హాజరుకాబోతున్నారు. సదస్సులో పాల్గొనే ప్రతినిధుల్లో 800 మంది మహిళలే కావడం విశేషం. కనీసం 10 దేశాల నుండి వచ్చే వారంతా మహిళలే కావడం ఈ సదస్సు ప్రత్యేకత కాబోతోంది. ఆఫ్గనిస్తాన్, సౌదీ, ఇజ్రాయిల్ వంటి దేశాల ప్రతినిధులు అంతా మహిళలే.

తిరుపతి, నవంబర్ 17: తిరుచానూరు శ్రీ పద్మావతి అమ్మవారి కార్తీక బ్రహ్మోత్సవాల్లో మూడోరోజైన శుక్రవారం ఉదయం ముత్యపుపందిరి వాహనంపై వెన్నముద్ద కృష్ణుడి అవతారంలో అమ్మవారు భక్తులకు అభయమిచ్చారు. అశ్వాలు, వృషభాలు, గజాలు ఠీవిగా ముందు కదులుతుండగా మంగళవాయిద్యాలు, భక్తుల కోలాటాల నడుమ అమ్మవారు ఆలయ నాలుగు మాడవీధుల్లో భక్తులకు అభయమిచ్చారు.

హైదరాబాద్, నవంబర్ 17: అంతర్జాతీయ ఔత్సాహిక పారిశ్రామిక వేత్తల సదస్సుకు హేమా హేమీలు హాజరుకానున్నారు. భారత ప్రధాని నరేంద్రమోదీ ఈ నెల 28వ తేదీ సాయంత్రం ఆరు గంటలకు ఈ సదస్సును ప్రారంభించనున్నారు. సదస్సుకు ముఖ్య అతిథిగా అమెరికా అధ్యక్షుడు డోనాల్డ్ ట్రంప్ కుమార్తె , శే్వతసౌధం సీనియర్ సలహాదారు ఇవాంక ట్రంప్ హాజరుకానున్నారు.