పాడేరు, ఆగస్టు 28: బంగాళాఖాతంలో ఏర్పడిన అల్పపీడనం కారణంగా రెండు రోజులుగా కురిసిన భారీ వర్షాలకు విశాఖ మన్యం అతలాకుతలమైంది. ఏజెన్సీలో ఆది, సోమవారాల్లో భారీ వర్షం కురవడంతో జనజీవనం పూర్తిగా స్తంభించింది. ఆదివారం మధ్యాహ్నం నుంచి సోమవారం మధ్యాహ్నం వరకూ ఏకధాటిగా వర్షం పడటంతో గెడ్డలు, వాగులు పొంగి ప్రవహించాయి. దీంతో గిరిజన గ్రామాలకు బాహ్య ప్రపంచంతో సంబంధాలు తెగిపోయాయి.

ఈ ఉపఎన్నికలో భూమా వర్గంపై సానుభూతి బలంగా పని చేసింది. సర్కారు చేపట్టిన అభివృద్ధి దానికి మరింత బలాన్నివ్వడం వల్లే -గెలుపు తెదేపా పరమైందన్నది రాజకీయ నిపుణుల విశే్లషణ. తల్లిదండ్రుల ఆశయాలు నెరవేర్చడానికి రాజకీయాల్లో కొనసాగుతున్నామంటూ ప్రస్తుత మంత్రి అఖిలప్రియ నిర్వహించిన విస్తృత ప్రచారంతో సెంటిమెంట్ బలంగా వర్కౌటైందని అంటున్నారు.

విశాఖపట్నం, ఆగస్టు 28: ఛత్తీస్‌ఘడ్ పరిసరాలను ఆనుకుని వాయువ్య బంగాళాఖాతంలో ఏర్పడిన అల్పపీడనం స్థిరంగా కొనసాగుతోందని విశాఖ తుపాను హెచ్చరికల కేంద్రం అధికారులు సోమవారం రాత్రి తెలిపారు. దీనికి అనుబంధంగా ఉపతర ఆవర్తనం 7.6 కిమీ ఎత్తున కొనసాగుతోందని పేర్కొన్నారు. దీని ప్రభావంతో దక్షిణ కోస్తాతో పాటు రాయలసీమ, తెలంగాణ ప్రాంతాల్లో ఒక మోస్తరు వర్షాలు, ఒకటి,రెండు చోట్ల భారీ వర్షాలు కురుస్తాయన్నారు.

హైదరాబాద్, ఆగస్టు 28: దేశవ్యాప్తంగా 1160 కోట్ల రూపాయిల వ్యయంతో 50 కేంద్రీయ విద్యాలయాల ఏర్పాటుకు కేంద్రప్రభుత్వం ఆమోదం తెలిపింది. తొలి జాబితాలో రెండు తెలుగు రాష్ట్రాల్లో ఐదు స్కూళ్ల ఏర్పాటుకు ఆమోదం లభించింది. ఈ ఐదు స్కూళ్లు ఈ విద్యాసంవత్సరం నుండే ప్రారంభం అవుతాయి. కాగా రెండు రాష్ట్రాల్లో మరో 9 చోట్ల పాఠశాలల ఏర్పాటుకు పరిశీలన జరుగుతోంది.