విజయవాడ, ఆగస్టు 31: రాష్ట్భ్రావృద్ధి కోసం, ప్రజల మేలు కోసం శాశ్వతంగా తెలుగుదేశం పార్టీనే అధికారంలో ఉండాలని ముఖ్యమంత్రి చంద్రబాబు నాయుడు స్పష్టం చేశారు. తమ పార్టీ అధికారంలో ఉండటం తన కోసం కాదని, ప్రజలకు మేలు జరగడం కోసమేనని తెలిపారు.

విజయవాడ: బ్యాడ్మింటన్ క్రీడాకారిణి పివి సింధు బుధవారం వెలగపూడి సచివాలయంలో ముఖ్యమంత్రి నారా చంద్రబాబు నాయుడుని మర్యాద పూర్వకంగా కలిశారు. ప్రపంచ మహిళల బాడ్మింటన్‌షిప్‌లో రజిత పతకం సాధించినందుకు సింధుని ఈ సందర్భంగా ముఖ్యమంత్రి అభినందించారు. సింధు మరిన్ని పతకాలు సాధించి ఆంధ్రప్రదేశ్, భారతదేశ పేరు ప్రఖ్యాతలు నిలపాలని ఆకాంక్షించారు.

హైదరాబాద్: రైతులు పంట రుణాల కోసం పట్టాదారు పాసు పుస్తకాలను బ్యాంకులలో తనఖా పెట్టే విధానానికి స్వస్తి పలుకనున్నట్టు సిఎం కె చంద్రశేఖర్‌రావు వెల్లడించారు. భూరికార్డుల ప్రక్షాళన పూర్తి చేశాక ఆన్‌లైన్‌లోని సమాచారం ఆధారంగానే బ్యాంక ర్లు రైతులకు రుణాలివ్వాలని సూచించారు. భూసంబంధమైన వ్యవహారాలన్నీ రాజ్యాంగ పరంగా రాష్ట్ర పరిధిలోనే ఉండటంతో, భూరికార్డుల ప్రణాళనకు పూనుకున్నామన్నారు.

న్యూఢిల్లీ: ఎస్సీ, ఎస్టీ, బీసీ కులాల సంక్షేమానికి కేంద్రం భారీగా నిధులు విడుదల చేసింది. ఈమేరకు బుధవారం కేంద్రమంత్రి బండారు దత్తాత్రేయ వివరాలు వెల్లడించారు. ఎస్సీ, ఎస్టీ సబ్ ప్లాన్ కింద కేటాయించిన రూ.90 కోట్లతో 1,52,128 కుంటుబాలకు ప్రయోజనం చేకూరనుందని చెప్పారు. ఎస్సీ, ఎస్టీ విద్యార్థుల స్కాలర్ షిప్పులకుగాను రూ.448.46 కోట్లు విడుదల చేసిందని, వీటితో 22,00,181 మందికి లబ్ది చేకూరనుందని చెప్పారు.