హైదరాబాద్, అక్టోబర్ 27: తెలంగాణ రాష్ట్ర సచివాలయాన్ని కూల్చివేయాలని ప్రభుత్వం తీసుకున్న నిర్ణయాన్ని సవాలు చేస్తూ కాంగ్రెస్ పార్టీ సీనియర్ ఎమ్మెల్యే జీవన్ రెడ్డి దాఖలు చేసిన పిల్‌ను విచారణకు హైకోర్టు గురువారం స్వీకరించింది. ప్రస్తుతం ఉన్న సచివాలయాన్ని కూల్చివేసి కొత్త సచివాలయం భవనాలను నిర్మించాలన్న ప్రభుత్వ నిర్ణయం హేతుబద్ధం కాదని పిల్‌లో పిటిషనర్ పేర్కొన్నారు.

అమరావతి, అక్టోబర్ 27: హైదరాబాద్ సచివాలయంలోని ఏపి భవనాలను తెలంగాణ ప్రభుత్వానికి కేటాయించే అంశంలో విమర్శలు తలెత్తకుండా అన్ని రకాల ముందు జాగ్రత్తలు తీసుకోవాలని తెదేపా ప్రభుత్వం నిర్ణయించింది. ఈ అంశంలో రాజకీయ పార్టీలు, ప్రజలు, ప్రజాసంఘాల నుంచి సెంటిమెంటుపరమైన భావన రాకుండా ఆచితూచి అడుగులు వేయనుంది.

హైదరాబాద్, అక్టోబర్ 27: అక్షయ గోల్డ్ నుంచి స్వాధీనం చేసుకున్న పది కోట్ల రూపాయల సొమ్మును డిపాజిటర్లకు చెల్లించేందుకు చర్యలు తీసుకోవాలని హైకోర్టు ఏపి ప్రభుత్వాన్ని ఆదేశించింది. ఏపి ప్రభుత్వం తరఫున న్యాయవాది వాదనలు వినిపిస్తూ డిపాజిటర్లకు వారి సొమ్ము చెల్లించేందుకు రూ. 135 కోట్లు అవసరమన్నారు.

విశాఖపట్నం, అక్టోబర్ 27: ఏపికి తుపాను ముప్పు తప్పింది. దక్షిణ మధ్య బంగాళాఖాతంలో ఏర్పడిన కయాంత్ పూర్తిగా బలహీనపడింది. ఇది గురువారం వాయుగుండగా మారి, విశాఖకు 240 కిలో మీటర్ల దూరంలో దక్షిణ ఆగ్నేయ దిశగా, మచిలీపట్నంకు సమాంతరంగా కేంద్రీకృతమై ఉంది. రానున్న 24 గంటల్లో ఇది మరింత బలహీనపడి తీవ్ర అల్పపీడనంగా మారుతుందని విశాఖ తుపాను హెచ్చరికల కేంద్రం తెలియచేసింది.