హైదరాబాద్, అక్టోబర్ 24: రాబోయే తొమ్మిదేళ్ళలో దేశ వ్యాప్తంగా తన శాఖల సంఖ్యను లక్షకు పెంచాలని రాష్ట్రీయ స్వయంసేవక్ సంఘ్ (ఆర్‌ఎస్‌ఎస్) లక్ష్యంగా పెట్టుకున్నది.

విశాఖపట్నం/ పాడేరు, అక్టోబర్ 24: మావోయిస్ట్ ఉద్యమానికి చావు దెబ్బ తగిలింది. విధ్వంసాలకు పాల్పడుతూ, పోలీసులకు సవాళ్లు విసిరే మావోయిస్ట్ నేతలు పోలీసుల కాల్పుల్లో నేలకొరిగారు. ఆంధ్రా ఒడిశా సరిహద్దు ప్రాంతంలో వేళ్లూనుకున్న మావోయిస్ట్ ఉద్యమానికి పెను విఘాతం తగిలింది. ఒకే ఒక్క ఎన్‌కౌంటర్‌తో ఆంధ్ర- ఒడిశా సరిహద్దు ప్రాంతంలోని మావోయిస్ట్ ఉద్యమమే తుడిచిపెట్టుకుపోయిన పరిస్థితి ఏర్పడింది.

విశాఖపట్నం, అక్టోబర్ 24: ‘‘ఏఓబిలో ఎదురు కాల్పులు జరిగాయి. గత కొద్ది రోజులుగా ఆంధ్ర, ఒడిశా పోలీసులు జాయింట్ కూంబింగ్ నిర్వహిస్తున్నారు. సోమవారం తెల్లవారుజామున పోలీసులకు మావోయిస్టులు ఎదురుపడ్డారు. వారిని లొంగిపోవలసిందిగా పోలీసులు మైకులో హెచ్చరించారు. కానీ మావోయిస్ట్‌లు కాల్పులు ప్రారంభించారు. విధిలేని పరిస్థితుల్లో కాల్పులు జరపాల్సి వచ్చింది’’ అని డిజిపి సాంబశివరావు తెలియచేశారు.

భద్రాచలం/వరంగల్, అక్టోబర్ 24: పీపుల్స్‌వార్ నుంచి మావోయిస్టు పార్టీ దాకా అప్పగించిన అన్ని బాధ్యతలను విజయవంతంగా నిర్వర్తించి కేంద్ర కమిటీ సభ్యుని స్థాయికి ఎదిగిన బలమైన నేత గాజర్ల రవి అలియాస్ గణేశ్. ఆయన సోమవారం ఎఒబిలో జరిగిన ఎన్‌కౌంటర్‌లో మరణించాడు. ఆయన మృతితో ఒకరకంగా గ్రేహౌండ్స్‌లో విజయగర్వం తొణికిసలాడుతుందనడంలో సందేహం లేదు.