హైదరాబాద్, అక్టోబర్ 29: కేంద్ర కార్మిక, ఉపాధి కల్పనా శాఖ మంత్రి బండారు దత్తాత్రేయ దీపావళి పండుగు సందర్భంగా కార్మికులకు కానుక ప్రకటించారు. భవిష్యనిధి (పిఎఫ్)లో వాడుకలో లేకుండా ఉన్న 42 వేల కోట్ల రూపాయలపై 8.8 శాతం వడ్డీని కార్మికులకు చెల్లించేలా నోటిఫికేషన్ జారీ చేస్తున్నట్లు దత్తాత్రేయ శనివారం విలేఖరుల సమావేశంలో వెల్లడించారు. దీని వలన 9.8 కోట్ల మంది కార్మికులకు లబ్ధి చేకూరుతుందని ఆయన తెలిపారు.

భద్రాచలం, అక్టోబర్ 29: ఏఓబిని భద్రతా బలగాలు దిగ్బంధం చేశాయి. ఆంధ్రా, ఒడిశా ప్రభుత్వాలు బలిమెలకు భారీగా బలగాలను తరలించాయి. కోలుకోలేని దెబ్బతిన్న మావోయిస్టులు ప్రతీకారేచ్ఛతో ఎదురుదాడులు చేసే అవకాశం ఉన్నందున వాటిని ఎదుర్కొనేందుకు మావోయిస్టు ప్రాబల్య ప్రాంతాల్లో రెడ్ అలర్ట్ ప్రకటించారు.

హైదరాబాద్, అక్టోబర్ 29: కృష్ణా జలాల కేటాయింపు వివాదం తెలుగు రాష్ట్రాలకే పరిమితమంటూ బ్రిజేష్‌కుమార్ ట్రిబ్యునల్ ఇచ్చిన తీర్పుపై సుప్రీంకోర్టుకు వెళ్లే విషయమై ఆంధ్రప్రదేశ్ ప్రభుత్వం పునరాలోచనలో పడింది. ట్రిబ్యునల్ ఇచ్చిన తీర్పు వల్ల ఆంధ్రప్రదేశ్ ప్రయోజనాలపై ప్రతికూల ప్రభావం లేదనే నిర్ణయానికి ప్రభుత్వం వచ్చినట్లు సమాచారం.

హైదరాబాద్, అక్టోబర్ 28: ఎస్‌సి, ఎస్‌టిలకు చెందాల్సిన సబ్-ప్లాన్ నిధులను ఆంధ్ర ప్రదేశ్ ప్రభుత్వం దారి మళ్లిస్తున్నదని ఎపి కాంగ్రెస్ కమిటీ అధికార ప్రతినిధి డాక్టర్ ఎన్. తులసిరెడ్డి విమర్శించారు. అయినా చంద్రన్న దళిత, గిరిజన బాట పేరిట బస్తీల్లోని అమాయక పేద ప్రజలను మభ్యపెట్టేందుకు ప్రయత్నిస్తున్నారని ఆయన శుక్రవారం ఒక ప్రకటనలో విమర్శించారు.