విశాఖపట్నం, అక్టోబర్ 24: నిత్యం అప్రమత్తంగా ఉండే మావోయిస్టులు తప్పటడుగు వేయడం వలనే భారీ మూల్యాన్ని చెల్లించుకున్నారా? మావోయిస్ట్‌ల కార్యకలాపాల్లో, వ్యూహాల్లో కీలక పాత్ర పోషించే ఇంటిలిజెన్స్ వ్యవస్థ సరిగా పనిచేయలేదా? మూడంచెలు, ఐదంచెల భద్రతా వ్యవస్థ ఉన్నప్పటికీ మావోయిస్ట్ నేతలను కాపాడుకోలేకపోయిందా? సోమవారం ఏఓబిలో జరిగిన ఎన్‌కౌంటర్ తీరు చూస్తే, వైఫల్యాలన్నీ ఒక్కటొక్కటిగా వెలుగు చూస్తున్నాయి.

మహోబా (ఉత్తరప్రదేశ్), అక్టోబర్ 24: మూడుసార్లు ‘తలాక్’ చెప్పి విడాకులు పుచ్చుకునే పద్ధతి (ట్రిపుల్ తలాక్)పై దేశ వ్యాప్తంగా జరుగుతున్న చర్చపై ప్రధాన మంత్రి నరేంద్ర మోదీ వౌనాన్ని వీడారు. ముస్లిం మతంలో కొనసాగుతున్న ఈ దురాచారాన్ని తీవ్రంగా వ్యతిరేకిస్తున్నట్లు ఆయన సోమవారం స్పష్టం చేశారు.

హైదరాబాద్, అక్టోబర్ 24: ఇంటర్మీడియట్ (ప్లస్ టు) విద్యను విద్యా హక్కు చట్టం పరిధిలోకి తేవాలని కేంద్రం యోచిస్తోంది. ఇంటర్‌తోపాటు పూర్వ విద్య (ప్రీ స్కూల్)నూ చట్టపరిధిలోకి తెచ్చే అంశంపై మంగళవారం కీలక నిర్ణయం తీసుకోనుంది. ఈమేరకు కేంద్ర విద్యా సలహా మండలి (కేబ్) కీలక సమావేశం న్యూఢిల్లీలో జరగనుంది.

హైదరాబాద్, అక్టోబర్ 23: ఉద్యోగ భద్రతతోపాటు జీతాలు పెంచాలని కోరుతూ హోంగార్డుల రాష్ట్ర సంఘం పిలుపు మేరకు ఆదివారం నిరవధిక నిరాహార దీక్ష చేపట్టారు. అంబర్‌పేటలో చేపట్టిన నిరవధిక నిరాహారదీక్షకు సుమారు ఐదువందల మంది హోంగార్డులు హాజరయ్యారు. పనిగంటలతో సంబంధం లేకుండా సివిల్ పోలీసులతో సమానంగా విధులు నిర్వహిస్తున్న హోంగార్డులకు తగిన వేతనం లభించడం లేదని వారు ఆందోళన వ్యక్తం చేశారు.