హైదరాబాద్, అక్టోబర్ 25: పదవ తరగతి పరీక్షలు, ఇతర పరీక్షల్లో మాస్ కాపీయింగ్‌కు పాల్పడిన వారిని ఎందుకు ప్రాసిక్యూషన్ చేయలేదని హైకోర్టు రెండు రాష్ట్రప్రభుత్వాల ప్రధాన కార్యదర్శులను ప్రశ్నించింది. పబ్లిక్ పరీక్షల్లో మాస్ కాపీయింగ్‌ను నిరోధించేందుకు తీసుకుంటున్న చర్యలపై కౌంటర్ అఫిడవిట్‌ను దాఖలు చేయాలని హైకోర్టు ఆదేశించింది.

హైదరాబాద్, అక్టోబర్ 25: అమెరికా రాయబార కార్యాలయాలతో పాటు భారతదేశంలోని కాన్సులేట్ కార్యాలయాల వెబ్ పోర్టల్ చిరునామాను మంగళవారం నాడు మార్చింది. ఈ మేరకు కాన్సులేట్ సలహాదారు మహ్మద్ అబ్దుల్ బాసిత్ ఒక ప్రకటన చేశారు. తాజా నిర్ణయంతో చెన్నై, కొల్‌కతా, హైదరాబాద్, ముంబై కాన్సులేట్ వెబ్ చిరునామాలు మారుతాయి. ఇన్ డాట్ యుఎస్ ఎంబసీ డాట్ జీవోవీ పేరుతో పోర్టల్ వెబ్ చిరునామాను ఏర్పాటు చేశారు.

హైదరాబాద్/ బేగంపేట, అక్టోబర్ 25: షిర్డీసాయి దేవుడు కాదు..అతనొక ముస్లిం అని, ముస్లింలకు సాయి పూజలు నిలిచిపోవాలి, హిందువులు ఎవ్వరూ సాయిని పూజించవద్దని, సాయి మందిరం శ్మశాన వాటిక, అక్కడికి హిందువులు ఎవ్వరూ వెళ్లొద్దని, సాయిబాబ భూతమని జగద్గురు శంకరాచార్య స్వరూపానంద సరస్వతి స్వామి మరోసారి సంచన వ్యాఖ్యలు చేశారు.

విశాఖపట్నం, పాడేరు, అక్టోబర్ 25: ఆంధ్ర-ఒడిశా సరిహద్దు ప్రాంతంలో సోమవారం జరిగిన ఎన్‌కౌంటర్‌లో కేవలం ఇద్దరు నేతలే హతమైనట్టు స్పష్టమవుతోంది. ఇందులో ఆర్‌కె, గాజర్ల రవి తప్పించుకున్నట్టు విశ్వసనీయ సమాచారం. పోలీసులు మాత్రం ఎన్‌కౌంటర్ జరిగిన కొద్ది గంటలకే మావోయిస్ట్ కీలక నేతలు మరణించినట్టు మీడియాకు సమాచారం అందించారు. ఇందులో చలపతి, అతని భార్య, దయతోపాటు మరికొంతమంది పేర్లు ఉన్నాయి.