హైదరాబాద్, సెప్టెంబర్ 2: భారత ఉప రాష్టప్రతి ఎం వెంకయ్యనాయుడు ఆదివారం నాడు హైదరాబాద్ రానున్నారు. ఇనిస్టిట్యూట్ ఆఫ్ ఇంటర్నేషనల్ లా ఆధ్వర్యంలో జరుగుతున్న అంతర్జాతీయ న్యాయసదస్సు ప్రారంభ కార్యక్రమంలో ఆయన పాల్గొంటారు. ఈ కార్యక్రమం నల్సార్ ఆడిటోరియంలో ఆదివారం సాయంత్రం 4 గంటలకు జరగనుంది.

హైదరాబాద్, సెప్టెంబర్ 2: కేంద్ర మంత్రివర్గ విస్తరణలో తెలంగాణ నుండి ఒకరికి తప్పకుండా చోటు దక్కుతుందని భావిస్తున్న తరుణంలో ఆశావహుల్లో ముగ్గురి పేర్లు వినిపిస్తున్నాయి. పార్టీ జాతీయ ప్రధానకార్యదర్శి పి మురళీధరరావు, జాతీయ జలవనరుల కమిషన్ సభ్యుడు వెదిరె శ్రీరాం, శాసనసభ బిజెపి పక్ష నాయకుడు జి కిషన్‌రెడ్డి పేర్లు పార్టీ జాతీయ నాయకత్వం పరిశీలిస్తున్నట్టు సమాచారం.

హైదరాబాద్, సెప్టెంబర్ 2: తెలంగాణ రాష్ట్ర వ్యాప్తంగా భూగర్భ జలాల లభ్యత సంతృప్తికరంగా ఉంది. రాష్ట్రంలో 10.13 మీటర్ల లోతులో భూగర్భ జలాల లభ్యత సగటు నమోదైంది. నిరుడు ఇదే సీజన్‌లో 12.11 మీటర్ల లోతులో భూగర్భ జలాల సగటు నమోదైంది. రాష్ట్రంలో కురిసిన వర్షాలు, మిషన్ కాకతీయ వల్ల చెరువులు అభివృద్ధి చేయడం వల్ల 1.98 మీటర్లపైకి భూగర్భ జలాలు వచ్చాయి.

హైదరాబాద్, సెప్టెంబర్ 2: నైరుతీ రుతుపవనాల ప్రభావంతో కురుస్తున్న వర్షాల వల్ల రాష్ట్ర వ్యాప్తంగా పంటల పరిస్థితి ఇప్పటి వరకు బాగానే ఉంది. వర్షాధార పంటలు ఇప్పటి వరకు బాగానే ఉన్నాయి. మహబూబ్‌నగర్, నిజామాబాద్, రామగుండం ప్రాంతాల్లో సాధారణం కన్నా కొద్దిగా తక్కువ వర్షపాతం నమోదైనప్పటికీ, పంటల దిగుబడిపై కొంత ప్రభావం కనిపించే అవకాశం ఉందని వ్యవసాయ అధికారులు పేర్కొన్నారు.