హైదరాబాద్, ఆగస్టు 22: యాసంగి పంటల విత్తన సరఫరాకై రాష్ట్ర వ్యవసాయ శాఖ ధరలను ఖరారు చేసింది. క్యాంపు కార్యాలయంలో వ్యవసాయ శాఖ మంత్రి పోచారం శ్రీనివాస్‌రెడ్డి మంగళవారం అధికారులతో సమావేశం అయ్యారు. రాబోయే యాసంగిలో మొత్తం 5.82 లక్షల క్వింటాళ్ల విత్తనాలను వ్యవసాయ శాఖ ద్వారా సరఫరా చేయాలని నిర్ణయించారు. ఇందులో శనగ , వేరుశనగ తప్ప మిగతా పంల విత్తనాల ధరల్లో మార్పు లేదు.

హైదరాబాద్, ఆగస్టు 22: ఎస్‌సి, ఎస్‌టి, మైనారిటీ కార్పొరేషన్లకు నిధులు కేటాయించి, బిసి కార్పొరేషన్‌కు ఎందుకు ఇవ్వరని బిసి సంక్షేమ సంఘం జాతీయ అధ్యక్షుడు, ఎమ్మెల్యే కృష్ణయ్య ప్రభుత్వాన్ని ప్రశ్నించారు. కృష్ణయ్య నేతృత్వంలో బిసి సంఘం నాయకులు మంగళవారం మంత్రి ఈటల రాజేందర్‌ను కలిసి తమ ఆందోళనను వెలిబుచ్చారు.

హైదరాబాద్, ఆగస్టు 22: ఎందరో కార్మికులకు జీవనోపాధి కల్పిస్తున్న చలనచిత్ర రంగాన్ని పరిరక్షించేందుకు పైరసీని అరికట్టడంలో అధికారులు మరింత పకడ్బందీ చర్యలు తీసుకోవాలని సినిమాటోగ్రఫీ మంత్రి తలసాని శ్రీనివాస్ యాదవ్ అధికారులకు సూచించారు. విజిలెన్స్ అండ్ ఎన్‌ఫోర్స్‌మెంట్ ఫర్ ఇండియన్ కాపీరైట్స్ సంస్థ చైర్మన్ రత్నాకర్, డైరెక్టర్ అరవింద్‌లు మంత్రిని మంగళవారం కలిశారు.

హైదరాబాద్, ఆగస్టు 22: వాహనాల రిజిస్ట్రేషన్లు, మలి విడత విక్రయాల్లో బదలాయింపు వంటి వాటిల్లో సమూలమైన మార్పులు తీసుకుని వచ్చేందుకు రాష్ట్ర రవాణా శాఖ సమాయత్తమైంది. వచ్చే నెల 1వ తేదీ నుంచి వీటిని అమలు చేసేందుకు ప్రయత్నిస్తున్నామని రవాణా శాఖ సంయుక్త కమిషనర్, కార్యదర్శి జె. పాండురంగ నాయక్ మంగళవారం ‘ఆంధ్రభూమి ప్రతినిధి’తో మాట్లాడుతూ చెప్పారు.