హైదరాబాద్, అక్టోబర్ 24: అభివృద్ధి, సంక్షేమ కార్యక్రమాల కోసం ఖర్చు పెడుతున్న నిధులు, శాఖల వారీగా సమకూరుతున్న ఆదాయం, కేంద్ర ప్రాయోజిత పథకాలు, కొత్తగా ఆదాయ మార్గాలపై నివేదికలు అందజేయాలని ప్రభుత్వ ప్రధాన కార్యదర్శి రాజీవ్ శర్మ వివిధ శాఖాధిపతులను ఆదేశించారు. సచివాలయంలో సోమవారం వివిధ శాఖల ప్రభుత్వ ప్రత్యేక ప్రధాన కార్యదర్శులతో రాజీవ్ శర్మ సమావేశమయ్యారు.

హైదరాబాద్, అక్టోబర్ 24: హోంగార్డులకు ఉద్యోగ భద్రతతోపాటు వేతనాలు పెంచాలని కోరుతూ అఖిల భారత హోంగార్డుల సంక్షేమ సంఘం అధ్యక్షుడు సకినాల నారాయణ చేపట్టిన ఆమరణ దీక్షకు తెలంగాణ రాజకీయ ఐకాస చైర్మన్ కోదండరాం మద్దతు ప్రకటించారు. హైదరాబాద్‌లో సోమవారం నారాయణ చేపట్టిన దీక్షా శిబిరాన్ని ఆయన సందర్శించారు. హోంగార్డుల ఉద్యమానికి సంఘీభావం తెలిపారు.

కొత్తగూడెం, అక్టోబర్ 24: జిల్లాల పునర్వ్యవస్థీకరణ నేపథ్యంలో ఏర్పడిన భద్రాద్రి కొత్తగూడెం జిల్లాలో తొలి గ్రీవెన్స్‌డేను సోమవారం స్థానిక ఆర్డీవో సమావేశ మందిరంలో కలెక్టర్ రాజీవ్‌గాంధీ హనుమంతు నేతృత్వంలో నిర్వహించారు. ప్రజలు పెద్దసంఖ్యలో పాల్గొని సమస్యలపై దరఖాస్తులు అందజేశారు. ప్రధానంగా భూసమస్యలు, ప్రభుత్వం తరపున విడుదల కావాల్సిన నిధులపై ఎక్కువ మంది దరఖాస్తులు అందజేశారు.

హైదరాబాద్, అక్టోబర్ 23: తెలంగాణ రాష్ట్రానికి చెందిన యువ ఫిల్మ్ డైరెక్టర్ దూలం సత్యనారాయణ నిర్మించిన పర్యాటక చిత్రానికి అంతర్జాతీయంగా ప్రతిష్ఠాకరమైన అవార్డు లభించింది. ఈ నెల 19 నుంచి 21వ తేదీల వరకు పోర్చుగల్‌లో అంతర్జాతీయ పర్యాటక ఉత్సవం జరిగింది. ఉత్తమ టూరిజం చిత్రాల నిర్మాణానికి అవసరమైన ఫిల్మ్ లోకేషన్స్‌పై మూడు నిమిషాల నిడివి ఉన్న చిత్రాన్ని దూలం సత్యనారాయణ నిర్మించారు.