హైదరాబాద్, అక్టోబర్ 29: మహిళల రక్షణకు కఠిన చట్టాలు ఉన్నాయని, వాటిపై అవగాహన పెంచుకుని వ్యవహరించాలని జాతీయ మహిళా కమిషన్ మాజీ అధ్యక్షురాలు లలిత కుమార మంగళం పేర్కొన్నారు. ఇనిస్టిట్యూట్ ఆఫ్ ఇన్‌క్లూజివ్ గవర్నెన్స్, రాంబావు మల్గీ ప్రబోధిని సంస్థలు సంయుక్తంగా నిర్వహించిన సదస్సు ముగింపు కార్యక్రమానికి ఆమె ముఖ్య అతిథిగా హాజరయ్యారు.

హైదరాబాద్, అక్టోబర్ 29: రాష్ట్ర ప్రజలను కంటి వెలుగులో పరీక్షలు చేయించుకోమని అపద్ధర్మ ముఖ్యమంత్రి కే. చంద్రశేఖర్ రావు చెప్పి తాను మాత్రం ఢిల్లీలో కార్పోరేట్ ఆసుపత్రికి వెళ్ళి పరీక్ష చేయించుకున్నారని ఏఐసీసీ అధికార ప్రతినిధి మధుయాష్కీ గౌడ్ విమర్శించారు. ఎల్వీ ప్రసాద్ ఆసుపత్రి ఆంధ్ర ప్రాంతానికి చెందిన ఆసుపత్రి అని కేసీఆర్ ఢిల్లీకి వెళ్ళారని మధుయాష్కీ గౌడ్ సోమవారం విలేఖరుల సమావేశంలో అన్నారు.

హైదరాబాద్, అక్టోబర్ 29: తెలంగాణ శాసనసభకు జరిగే ఎన్నికలు పారదర్శకంగా, స్వేచ్ఛగా నిర్వహించేందుకు పటిష్టమైన ప్రణాళిక రూపొందించామని చీఫ్ ఎలక్టోరల్ అధికారి డాక్టర్ రజత్ కుమార్ తెలిపారు. జిల్లా ఎన్నికల అధికారులుగా పనిచేస్తున్న జిల్లా కలెక్టర్లతో సోమవారం ఆయన వీడియో కాన్ఫరెన్స్ నిర్వహించారు. ఎన్నికల నిర్వహణకు రూపొందించిన ప్రణాళికను యథాతథంగా అమలు చేయాలని ఆదేశించారు.

హైదరాబాద్, అక్టోబర్ 29: రైతులకు నాణ్యమైన విత్తనం అందించేందుకు పటిష్టమైన చర్యలు తీసుకుంటున్నామని తెలంగాణ రాష్ట్ర విత్తన మరియు ఆర్గానిక్ సర్ట్ఫికేషన్ అథారిటీ డైరెక్టర్ డాక్టర్ కే. కేశవులు తెలిపారు. సోమవారం ఆయన ఇక్కడ ఆంధ్రభూమి ప్రతినిధితో మాట్లాడుతూ, విత్తనోత్పత్తి అత్యంత జాగ్రత్తగా చేయాల్సి ఉంటుందన్నారు.