హైదరాబాద్, అక్టోబర్ 27: తెలంగాణలో కేసీఆర్ ప్రభుత్వం పోలీసు రాజ్యాన్ని నడుపుతోందని టీటీడీపీ అధ్యక్షుడు ఎల్ రమణ, పోలిట్ బ్యూరో సభ్యుడు రావుల చంద్రశేఖర్‌రెడ్డి, జాతీయ పార్టీ ప్రధానకార్యదర్శి ఇ పెద్దిరెడ్డి పేర్కొన్నారు. అరవీర భయంకరుడిలా విర్రవీగిన కేసీఆర్ ముందస్తు ఎన్నికలకు వెళ్లారని, అయితే ఐదు సీట్లలో బీజేపీకి, నాలుగు సీట్లలో ఎంఐఎంకీ సహకరించనున్నట్టు తెలుస్తోందని అన్నారు.

ఖానాపూర్, అక్టోబర్ 27: టీఆర్‌ఎస్ పార్టీలో అంతర్గత కుమ్ములాటలు బయటపడ్డాయి. నిర్మల్ జిల్లా ఖానాపూర్ మండలంలోని మస్కాపూర్‌లో శనివారం విక్టోరియా స్టేట్ టీఆర్‌ఎస్ పార్టీ అధ్యక్షులు ఉప్పు సాయిరా ఆధ్వర్యంలో నిర్వహించిన కార్యక్రమం సందర్భంగా టీఆర్‌ఎస్ నాయకులు బాహాబాహీకి దిగారు.

జనగామ టౌన్, అక్టోబర్ 27: కొద్దిరోజుల్లో నిర్వహించనున్న అసెంబ్లీ ఎన్నికల్లో మహాకూటమి ఘన విజయం సాధించి అధికారంలోకి రావడం ఖాయమని పీసీసీ మాజీ అధ్యక్షుడు పొన్నాల లక్ష్మయ్య అన్నారు. ఎన్నికల ప్రచారంలో భాగంగా శనివారం జనగామ పట్టణంలోని 1,2,9,10,12,13 వార్డుల్లో ప్రచారం నిర్వహించారు.

హైదరాబాద్, అక్టోబర్ 27: మాజీ సైనికులపై టీ.పీసీసీ అధ్యక్షుడు ఎన్. ఉత్తమ్‌కుమార్ రెడ్డి వరాల జల్లు కురిపించారు. అధికారంలోకి రాగానే మాజీ సైనికులకు ఇళ్ళ స్థలాలు, ఐదు ఎకరాల పొలం ఇస్తామన్నారు. రాష్ట్ర ప్రభుత్వం మాజీ సైనికులను నిర్లక్ష్యం చేసిందని ఆయన శనివారం విలేఖరుల సమావేశంలో విమర్శించారు. రాష్ట్రంలో తమ పార్టీ అధికారంలోకి రాగానే కేంద్ర ప్రభుత్వ నిబంధనల ప్రకారం వీటిని అమలు చేస్తామని ఆయన తెలిపారు.