S ,7 à 8 RSCA (si SASPAS) et 6 cialis pharmacie cialis rapports de stage.
ఆటాపోటీ
ప్రపంచ టెన్నిస్‌పై తిరుగులేని ఆధిపత్యాన్ని కనబరుస్తూ, యువ ఆటగాళ్లకు సైతం గట్టిపోటీనిస్తున్న 36 ఏళ్ల రోజర్ ఫెదరర్, 31 ఏళ్ల రాఫెల్ నాదల్ కెరీర్ త్వరలోనే ముగుస్తుందనే అభిప్రాయం సర్వత్రా వ్యక్తమవుతున్నది. ఎంత అద్భుతమైన ఫామ్‌ను కొనసాగిస్తున్నప్పటికీ, ఎల్లకాలం కెరీర్‌ను నెట్టుకురావడం ఎవరికైనా అసాధ్యం. అభిమానులు అంగీకరించినా, లేకున్నా ఇది వాస్తవం.
* బౌలర్ల సహనానికి పరీక్ష పెట్టిన బ్యాట్స్‌మెన్ ఎంతో మంది ఉన్నారు. అయితే, న్యూజిలాండ్ ఆటగాడు జెఫ్ అలాట్‌ను మించిన వారు ఎవరూ ఉండరేమో. 1999లో దక్షిణాఫ్రికాతో జరిగిన టెస్టులో అతను 101 నిమిషాలు క్రీజ్‌లో నిలిచాడు. 77 బంతులు ఎదుర్కొన్నాడు. ఒక్క పరుగు కూడా చేయలేక, సున్నాకే వెనుదిరిగాడు. బౌలర్లు బౌలింగ్‌ను మరచిపోవడానికి ఇలాంటి వాళ్లు ఇద్దరుముగ్గురు ఉంటేచాలు.
గ్రాండ్ శ్లామ్ టెన్నిస్ టోర్నీల్లో చివరిదైన యుఎస్ ఓపెన్ న్యూయార్క్ వేదికగా అభిమానులకు కనువిందు చేసేందు ముస్తాబైంది. సెరెనా విలియమ్స్, మిలోస్ రానిక్ వంటి కొంత మంది స్టార్లు వివిధ కారణాలవల్ల దూరమైనప్పటికీ, చాలా మంది హేమాహేమీలు బరిలో ఉన్నందున మరోసారి హోరాహోరీ త ప్పని పరిస్థితి.
యుఎస్ ఓపెన్‌ను గ్రాస్, క్లే, హార్డ్ కోర్టులపై గెల్చుకున్న ఘనత ఇద్దరు స్టార్లకే దక్కుతుంది. జిమీ కానర్స్, క్రిస్ ఎవర్ట్ లాయిడ్ ఈ ఫీట్‌ను సాధించారు. 1881 నుంచి గణాంకాలను పరిశీలిస్తే పురుషులు లేదా మహిళల విభాగంలో అమెరికన్లు లేకుండా ఫైనల్ మ్యాచ్‌లు జరిగిన సందర్భాలు కేవలం ఏడు మాత్రమే.
యుఎస్ ఓపెన్ ప్రైజ్‌మనీ ఆరంభంలో చాలా టోర్నీల కంటే చాలా తక్కువగా ఉండేది. అయితే, క్రమంగా పెరుగుతూ, 1968 నాటికి ఈ మొత్తం లక్ష డాలర్లకు చేరింది. ఇప్పుడు పురుషులు, మహిళల విభాగాల్లో సింగిల్స్ విజేతలు ఒక్కొక్కరికీ 33,00,000 డాలర్లు లభిస్తున్నాయి. లక్ష డాలర్ల నుంచి భారీగా పెరుగుతూ వచ్చిన ప్రైజ్ మనీ ఇప్పుడు 4.22 కోట్ల డాలర్లకు చేరింది. ఇది సుమారు 254 కోట్ల రూపాయలకు సమానం.
పురుషుల సింగిల్స్: స్టానిస్లాస్ వావ్రిన్కా (ఫైనల్‌లో నొవాక్ జొకోవిచ్‌పై 6-7, 6-4, 7-5, 6-3 తేడాతో విజయం).
మహిళల సింగిల్స్: ఏంజెలిక్ కెర్బర్ (ఫైనల్‌లో కరోలినా ప్లిస్కోవాపై 6-3, 4-6, 6-4 ఆధిక్యంతో విజయం).
పురుషుల డబుల్స్: జెమీ ముర్రే/ బ్రూనో సోయెర్స్ (ఫైనల్‌లో పాబ్లో కరెనో బస్టా, గులెర్మో గార్సియా లోపెజ్ జోడీపై 6-2, 6-3 స్కోరుతో గెలుపు).
యుఎస్ ఓపెన్‌లో నాణ్యతకు ఎంతో ప్రాధాన్యమిస్తారు. టోర్నీలో సుమారు 70,000 బంతులను వాడతారు. ఈ విధంగా ఆటకు ఎంపిక చేసిన ప్రతి బంతినీ ముందుగానే నిశితంగా పరీక్షిస్తారు. సుమారు 100 అంగుళాల ఎత్తు నుంచి పడేసినప్పుడు ఆ బంతి భూమికి తగిలి, 53 నుంచి 58 అంగుళాల ఎత్తుకు ఎగరాలి. అంటే దాని బౌన్స్ సుమారు సగం ఉండాలి. ఆ విధంగా బౌన్స్ అయితేనే దానిని నాణ్యమైన బంతిగా గుర్తిస్తారు.
*కాలిఫోర్నియాలోని యుసి ఇర్విన్ కాలేజీ డాడ్జిబాల్‌లో కొత్త రికార్డు నెలకొల్పింది. ఒకే స్టేడియంలో 4,488 మంది విద్యార్థులు రెండు జట్లుగా విడిపోయి, 1,000 బంతులతో డాడ్జిబాల్ గేమ్ ఆడి, ప్రపంచ రికార్డు నెలకొల్పారు. అంతకు ముందు రోచెస్టర్ ఇన్‌స్టిట్యూట్‌లోని డాడ్జిబాల్ క్లబ్ 2,138 మందితో సృష్టించిన రికార్డును ఇర్విన్ కాలేజీ బద్దలు చేసింది.
బాలీవుడ్ నటి అనుష్క శర్మతో భారత క్రికెట్ జట్టు కెప్టెన్ విరాట్ కోహ్లీ చెట్టపట్టాలేసుకొని తిరగడం క్రికెట్ వర్గాల్లో మళ్లీ చర్చనీయాంశంగా మారింది. వారు వ్యక్తిగత జీవితంలో టూర్లకు వెళ్లి, షికార్లు చేస్తే ఎవరూ విమర్శించకపోతుండవచ్చు. కానీ, టీమిండియా శ్రీలంక పర్యటనలో ఉన్నప్పుడు అనుష్క అక్కడికి చేరడం చర్చనీయాంశమైంది.
వీరేందర్ సెవాగ్ కెరీర్ కొనసాగించినంత కాలం, మైదానంలో సాధ్యమైనంత తక్కువ మాట్లాడేవాడు. కానీ, అంతర్జాతీయ కెరీర్‌ను ముగించిన తర్వాత ట్విట్టర్‌లో చెలరేగిపోతున్నాడు. పాకిస్తాన్ మాజీ క్రికెటర్లు షోయబ్ అక్తర్, జావేద్ మియందాద్, ఇంజమాముల్ హక్‌తోపాటు షాహిద్ అఫ్రిదీ, ఉమర్ అక్మల్ తదితరులపై సంధించిన విమర్శనాస్త్రాలు అతని ఫాన్ ఫాలోయింగ్‌ను కొన్ని రెట్లు పెంచేశాయి.