బ్యాంకులు చార్జీలు పెంచడం చాలా దారుణమైన విషయం.. ఈ చార్జీలు వర్తకులకు చాలా ఇబ్బంది కలిగిస్తున్నాయి. నగదు రహిత లావాదేవీలతో ఇప్పటికే తీవ్రంగా ఇబ్బందులు పడుతుంటే ఇపుడు చార్జీల మోతవల్ల మధ్యతరగతివారు వ్యాపారాన్ని సాగించలేని దుస్థితి నెలకొంది. ఇటువంటి చార్జీల భారం కాస్తా చివరికి వినియోగదారుడిపైనే పడే పరిస్థితి దాపురిస్తోంది. నియంత్రణ లేని ఈ చార్జీలను పెంచడం ఖాతాదారులకు పెనుభారం.

ఏప్రిల్ 1 నుంచి లావాదేవీలపై భారీగా చార్జీలు వసూలు చేయాలని బ్యాంకులు నిర్ణయించడం సరైంది కాదు. నగదు డిపాజిట్లు, ఏటిఎంలలో నగదు ఉపసంహరణపై పరిమితులు పెట్టి చార్జీలు విధించడం దారుణం. దీనివల్ల దేశ ఆర్థిక వ్యవస్థ గాడి తప్పుతుంది. చార్జీల వసూళ్లతో బ్యాంకులు ప్రజలకు దూరమయ్యే ప్రమాదం ఉంది. అక్రమ లావాదేవీలు పెరిగి అసాంఘిక శక్తులు పేట్రేగే అవకాశం ఉంది.

నగదు రహిత లావాదేవీలను మరింత పగడ్బందీగా అమలుచేయాలన్న ఉద్దేశంతోనే బ్యాంకులు, ఎటిఎంల లావాదేవీలపై పన్ను విధించేందుకు కేంద్ర ప్రభుత్వం అనుమతించింది. లక్ష్య సాధనకు చేపట్టిన ఉద్దేశం మంచిదే అయినా... మన దేశ పరిస్థితులు అందుకు అనుకూలంగా లేవు. మన దేశంలో అక్షరాస్యత చాలా తక్కువగా ఉంది. నగదు రహిత లావాదేవీలు అంటే ఒక నిరక్ష్యరాస్యుడు తన కార్డును సక్రమంగా ఉపయోగించుకోలేడు.

విశ్వవిద్యాలయాల్లో అశాంతి లేకుండా ఉండాలంటే విద్యార్థులు పాజిటివ్ దృక్పధంతో ఆలోచించేలా వారిని తీర్చిదిద్దాలి. చదువులో పోటీతత్వం పెంచాలి. విద్యార్థులు చదువు కాకుండా ఇతర వాటిపై దృష్టి మరల్చకుండా ఉండేందుకు నిరంతరం వారు చదువు, క్రీడలు తదితర వాటిపై నిమగ్నమయ్యేలా అనువైన వాతావరణాన్ని కల్పించాలి. దీనివల్ల వారు శారీరకంగా, మానసికంగా ఆరోగ్యవంతులు కాగలుగుతారు. తద్వారా పాజిటివ్ దృక్పథం అలవడే అవకాశం ఉంటుంది.