తెలుగు రాష్ట్రాల్లో అధికారంలో ఉన్న పార్టీలు అబద్ధాల ఎన్నికల ప్రణాళికలు విడుదల చేసి, అమాయక ప్రజలను, నిరుద్యోగులను, రైతులను నమ్మించి, ఆకర్షించాయి. వరుసగా రెండు టర్మ్‌లు (దాదాపు పదేళ్ళు) అధికారంలో ఉన్న కాంగ్రెస్ పార్టీ కంటే మరో పార్టీ అధికారంలోకి వస్తే ఇంకా కొత్తగా, మరింతగా మేలు జరుగుతుందేమోనన్న భ్రమతో ప్రజలు ఓట్లు వేసి మోసపోయారు.

తెలుగు రాష్ట్రాల్లో నిరుద్యోగ సమస్య పెరుగుతోంది. రెండు రాష్ట్రాల్లోనూ అభివృద్ధిలో పోటీపడుతూ పాలన సాగిస్తున్నారే తప్ప నిరుద్యోగ సమస్యను పరిష్కరించే దిశగా పాలకులు కృషి సల్పడం లేదు. నిరుద్యోగులు తమ ఆందోళనలు కొనసాగిస్తూనే స్వయం ఉపాధి వైపు దృష్టిసారించడం మేలు. రెండు రాష్ట్ర ప్రభుత్వాలకు నిరుద్యోగ సమస్య ఒక్కటే కాదు. రాష్ట్ర విభజన తరువాత రెండు రాష్ట్రాలు ప్రజాసంక్షేమంకోసం ఎన్నో పథకాలు రూపొందించారు.

నిరుద్యోగ సమస్య తెలుగు రాష్ట్రాల్లో తీవ్రంగానే ఉంది. ఏపీలో చంద్రబాబు నాయుడు ప్రభుత్వం అందరికీ ఉద్యోగాలు కల్పిస్తామని హామీ ఇచ్చింది. సుమారు 1.42 లక్షల ఉద్యోగాలు ప్రభుత్వం భర్తీ చేయాలి. ఏపీపీఎస్సీ 10వేల ఉద్యోగాలు భర్తీ చేస్తామని ప్రకటించింది. అందుకు సంబంధించి నాలుగున్నర వేల ఉద్యోగాలకోసం నోటిఫికేషన్లు జారీ చేసింది. తాజాగా స్క్రీనింగ్ టెస్ట్ ద్వారా 982 గ్రూప్-2 పోస్టులకోసం పరీక్షను నిర్వహించింది.

21వ శతాబ్దంలో విద్య స్వరూపంలో చాలా మార్పు వచ్చింది, ఆనాడు అక్షరమే ప్రధానం, నేడు భావన ప్రధానం. ఈనాడు డిజిటల్ యుగం వచ్చింది. ప్రతికాలంలో కూడా ఆ యుగంలో జరిగిన ఆవిష్కరణలు విద్యారంగంపై ప్రభావం చూపుతాయి. ఈ యుగంలో డిజిటల్ ప్రభావం విద్యారంగంపై చూపాల్సిన అవసరం ఉంది. ఆనాడు చదువులు ఆరేళ్ల తర్వాత మొదలయ్యేది, కాని నేడు మూడేళ్ల ప్రాయంలోనే చదువు మొదలవుతోంది. మూడు-ఆరేళ్ల మధ్య కాలం చాలా ప్రధానమైంది.