డాక్టర్ కొట్టే వేంకటాచార్యులు ప్రసిద్ధ రంగస్థల నటుడు, రచయిత, పరిశోధకుడు, దర్శకుడు. వీరు బహుముఖ ప్రజ్ఞాశాలి. ఎంతో సాధించినా నిండుకుండ, బంగారుకొండ. ఎన్నో బిరుదులు, సన్మానాలు పొందినా వీరి మాట సున్నితం. మనస్సు నవనీతం. వందల ప్రదర్శనలు వీరు పౌరాణిక నాటకాలలో చేశారు. కొన్ని దశాబ్దాలుగా నాటక రంగానికి అంకితమైన వీరు హైదరాబాద్ శ్రీరామభద్ర జూనియర్ కళాశాలలో తెలుగు లెక్చరర్‌గా పనిచేసి 2009లో రిటైరయ్యారు.