న్యూఢిల్లీ, డిసెంబర్ 7: ఆర్థికపరమైన మార్పులు రాత్రికి రాత్రే వచ్చే అవకాశం ఉండదు.. కాని అందుకు సంబంధించిన అజెండా, రోడ్‌మ్యాప్‌లను ఏర్పరచక తప్పదని ఆర్థిక మంత్రి అరుణ్ జైట్లీ స్పష్టం చేశారు. దేశంలో 500, 1000 నోట్లను రద్దుచేస్తూ తీసుకున్న నిర్ణయ పర్యవసానాలను ఎదుర్కొనేందుకు ప్రధాని నరేంద్ర మోదీ సిద్ధంగా ఉన్నారని బుధవారం ఇక్కడ జరిగిన పెట్రోటెక్ సదస్సులో జైట్లీ ఉద్ఘాటించారు.

న్యూయార్క్, డిసెంబర్ 7: ద్వైపాక్షిక చర్చలకు సంబంధించి అన్ని మార్గాలను భారత్ మూసేసిందని పాకిస్తాన్ ఆరోపించింది. కాశ్మీర్ అంశాన్ని పరిష్కరించడంతోపాటు ఇరు దేశాల మధ్య ఉద్రిక్తతలను తగ్గించాల్సిన బాధ్యత ఐక్యరాజ్య సమితిపై ఉందని స్పష్టం చేసింది.

చెన్నై, డిసెంబర్ 7: తమిళనాడు ముఖ్యమంత్రి జయలలిత భౌతికంగా లేకపోయినా లక్షలాది మంది హృదయాల్లో సజీవంగానే ఉన్నారు. మెరీనా బీచ్‌లో ప్రియతమ నాయకురాలిని ఖననం చేసిన సమాధివద్దకు జయ అభిమానులు వెల్లువలా తరలివస్తున్నారు. తన రాజకీయ గురువు, దివంగత ఎంజి రామచంద్రన్ సమాధికి ఇరవై అడుగుల దూరంలోనే అన్నాడిఎంకె అధినేత్రి పార్దివదేహాన్ని మంగళవారం ఖననం చేసిన సంగతి తెలిసిందే.

హైదరాబాద్, డిసెంబర్ 7: శాసనసభ శీతాకాల సమావేశాలను ఈ నెల 16 నుంచి నిర్వహించాలని ప్రభుత్వం నిర్ణయించింది. సమావేశాల నిర్వహణపై గవర్నర్‌ను కోరుతూ నోట్ పంపించాల్సిందిగా శాసనసభ కార్యదర్శి రాజాసదారామ్‌ను సిఎం కె చంద్రశేఖర్‌రావు ఆదేశించారు. క్యాంపు కార్యాలయం ప్రగతి భవన్‌లో శాసనసభ సమావేశాల నిర్వహణపై సన్నాహక సమావేశం జరిగింది.