విజయవాడ, సెప్టెంబర్ 4: ఆంధ్రప్రదేశ్ బ్రాహ్మణ కార్పొరేషన్ ఆధ్వర్యంలో గత మూడేళ్ళుగా బ్రాహ్మణుల సంక్షేమం కోసం వివిధ పథకాలను విజయవంతంగా అమలు చేస్తోందని సంస్థ చైర్మన్ వేమూరి ఆనందసూర్య తెలిపారు.

న్యూఢిల్లీ, సెప్టెంబరు 4: తెలుగు రాష్ట్రాల వివాదాస్పదంగా ఉన్న ఉమ్మడి సంస్థల విభజన ప్రక్రియ చేపట్టేందుకు కేంద్రం ఏర్పాటు చేసిన కమిటి సమావేశం వాయిదా పడింది. కేంద్ర హోంశాఖ సంయుక్త కార్యదర్శి దిలీప్‌కుమార్ నేతృతంలోని కమిటీ సోమవారం నాడు సమావేశం కావల్సి వుంది. కాని కొంతమంది అధికారులు గైర్హాజరు కావడంతో కమిటి సమావేశం వాయిదా వేశారు.

కాకినాడ, సెప్టెంబర్ 4: ఇసుక అక్రమ తవ్వకాలకు, అమ్మకాలకు పాల్పడేవారిపై కఠిన చర్యలు తీసుకోవడానికి వీలుగా ప్రత్యేక వాట్సాప్ గ్రూపు ఏర్పాటుచేయాలని తూర్పు గోదావరి జిల్లా యంత్రాంగం నిర్ణయించింది. ఇసుక అక్రమాలను వాట్సాప్ గ్రూపులో ఉంచడం ద్వారా అక్రమాలకు పాల్పడేవారికి చెక్ పెట్టవచ్చని, దిగువ స్థాయి నుండి ఎగువ స్థాయి అధికారుల వరకు మానిటరింగ్ చేసేందుకు వీలవుతుందని భావిస్తున్నారు.

విజయవాడ, సెప్టెంబర్ 4: బతుకుదారి చూపిన గురువులను ఘనంగా సత్కరించడంలో ప్రతి విద్యార్థి, తల్లిదండ్రులు భాగస్వామ్యం కావాలని, చదువు నేర్పిన గురువులకు పాదాభివందనం చేసి గౌరవించడంలో ముఖ్యమంత్రి చంద్రబాబునాయుడు ప్రతి ఒక్కరికి ఆదర్శనీయుడని మానవ వనరుల శాఖ మంత్రి గంటా శ్రీనివాసరావు పేర్కొన్నారు. గత మూడు సంవత్సరాలుగా ఉత్తమ ఉపాధ్యాయులుగా ఎంపికైన వారిని గురుపూజోత్సవం సందర్భంగా ఘనంగా సత్కరిస్తున్నామన్నారు.