విజయవాడ, జనవరి 31: వందలు, వేల కోట్లతో అమలవుతున్న వివిధ కేంద్ర ప్రభుత్వ పథకాలకు సంబంధించి లబ్ధిదారుల ఎంపికలో నిబంధనల మేర గ్రామసభలు జరగాల్సి వుండగా ఆంధ్రప్రదేశ్‌లో మాత్రం పూర్తిగా ఇందుకు భిన్నంగా జరుగుతోందని భారతీయ జనతాపార్టీ జాతీయ కార్యవర్గ సభ్యులు, శాసనమండలి సభ్యులు సోము వీర్రాజు నిప్పులు చెరిగారు.

విజయవాడ, జనవరి 31: గిరిజన సహకార సంస్థ (జిసిసి ) 1000 కోట్ల రూపాయల టర్నోవర్ సాధించేందుకు లక్ష్యంగా పెట్టుకున్నట్లు రాష్ట్ర సాంఘిక, గిరిజన సంక్షేమ శాఖ మంత్రి రావెల కిషోర్ బాబు తెలిపారు. వెలగపూడి సచివాలయంలో ఆయన మంగళవారం మీడియాతో మాట్లాడుతూ గిరిజన ఉత్పత్తులను విస్తృతంగా మార్కెట్ చేయడం ద్వారా ఈ లక్ష్యాన్ని సాధించేందుకు నిర్ణయించినట్లు తెలిపారు. జిసిసి ఏర్పాటై 60 సంవత్సరాలు పూర్తి చేసుకుందన్నారు.

విశాఖపట్నం, జనవరి 31: ప్రజల్లో పుస్తక పఠనం పట్ల ఆసక్తిని పెంపొందించాల్సిన ఆవశ్యకత ఎంతైనా ఉందని మంత్రి గంటా శ్రీనివాసరావు అన్నారు. విజయవాడ బుక్ ఫెస్టివల్ సొసైటీ, ఎన్టీఆర్ ట్రస్టు సంయుక్తంగా విశాఖ ఎయు ఇంజనీరింగ్ కళాశాల ఆవరణలో ఈ నెల 28 నుంచి నవ్యాంధ్ర పుస్తక సంబరాలు పేరిట పుస్తక ప్రదర్శన నిర్వహిస్తున్నారు. దీనిలో భాగంగా విశాఖలో మంగళవారం పుస్తక ప్రియుల పాదయాత్రను నిర్వహించారు.

న్యూఢిల్లీ, జనవరి 31: బడ్జెట్‌లో అమరావతి రైతులకు శుభవార్త ఉంటుందని ఆశిస్తున్నట్లు కేంద్రమంత్రి సుజనా చౌదరి తెలిపారు. అమరావతి ప్రాంతంలో ల్యాండ్ పూలింగ్ చేసిన రైతులకు క్యాపిటల్ గెయిన్ ట్యాక్స్ నుంచి మినహాయింపు ఉంటుందని ఆశాభావం వ్యక్తం చేశారు.