న్యూఢిల్లీ, జూలై 6: బ్యాంకుల్లో రూ. 50వేలకు మించి నగదు లావాదేవీలు జరిపేటప్పుడు ఇకనుంచి పాన్ నంబర్‌ను మాత్రమే పేర్కొనవలసిన అవసరం లేదు. దాని స్థానంలో బయోమెట్రిక్ ఐడీ అయిన ఆధార్‌ను కూడా వినియోగించుకోవచ్చు. అంతేకాదు ఇప్పటి వరకు ఆదాయపు పన్ను శాఖ జారీ చేసిన పాన్ (పర్మనెంట్ అకౌంట్ నంబర్) ఎక్కడెక్కడ అయితే తప్పనిసరో అక్కడ ఇకనుంచి ఆధార్ కూడా చెల్లుబాటు అవుతుంది.

న్యూఢిల్లీ, జూలై 5: దేశంలో మెగా తయారీ ప్లాంట్లను ఏర్పాటు చేసేందుకు అంతర్జాతీయ సంస్థలను తీసుకువచ్చేందుకు కేంద్ర ప్రభుత్వం త్వరలో ఓ ప్రత్యేక పథకాన్ని తీసుకురానుంది. ప్రధానంగా సౌర విద్యుత్ సెల్స్, బ్యాటరీలు, సౌర చార్జింగ్ వౌలిక వసతులు వంటివి స్థానికంగానే తయారు చేసేందుకు ప్రత్యేక ప్లాంట్లను ఏర్పాటు చేయాలని ప్రభుత్వం నిర్ణయించింది.

న్యూఢిల్లీ, జూలై 5: కేంద్ర ప్రభుత్వం శుక్రవారంనాడు ప్రవేశపెట్టిన 2019-20 ఆర్థిక సంవత్సరం బడ్జెట్‌లో సబ్సిడీ రూపంలో చెల్లించే బిల్లులు 13.32 శాతం అంటే 3,01,694 కోట్ల రూపాయలు కానున్నాయి. ఆహారం, ఎరువులు, ఇంధనం వంటి రంగాల్లో సబ్సిడీ కింద కేటాయించే బిల్లులు పెరుగనున్నాయి. ఆయా రంగాలకు ప్రభుత్వం ఇచ్చే సబ్సిడీలో ఇంధన కింద 37,478 కోట్ల రూపాయలు ఉన్నాయి.

న్యూఢిల్లీ, జూలై 5: పన్నుల పరిధిని విస్తరించుకొనేందుకు ఆర్థిక మంత్రి సీతారామన్ తన బడ్జెట్‌లో మరో ప్రతిపాదన తీసుకొచ్చారు. ఒక ఏడాది కాలంలో కాంట్రాక్టర్లకు లేదా వృత్తి నిపుణులకు చెల్లించే మొత్తం 50 లక్షల రూపాయలు దాటితే దానిపై ఐదు శాతం టీడీఎస్ వసూలు చేయాలని సంకల్పించారు. సదరు వ్యక్తులు తమ పాన్ నంబర్‌ను ఉటంకించడం ద్వారా ఈ టీడీఎస్ మొత్తాన్ని ట్రెజరీలో జమ చేయవచ్చని తెలిపారు.