జొహెన్నస్ బర్గ్, మే 2: నూతన పారిశ్రామిక విధానాన్ని ప్రకటించిన తర్వాత భారత్ ప్రపంచానికి తర్వాతి గ్రోత్ ఇంజిన్ కానున్నదని కేంద్ర మంత్రి సురేష్ ప్రభు అన్నారు. ప్రస్తుతం ఉన్న పరిశ్రమలను ఆధునికీకరించడం, కొత్త స్టార్ట్-అప్‌లను ప్రారంభించడమే ఇందుకు కారణమని ఆయన పేర్కొన్నారు.

న్యూఢిల్లీ, మే 2: గత ఐదేళ్లకాలంలో రూ. లక్షకోట్ల విలువైన అక్రమాలు వివిధ బ్యాంకుల్లో చోటు చేసుకున్నాయి. రిజర్వ్‌బ్యాంకు వెల్లడించిన ప్రకారం వీటికి సంబంధించి 23 వేల కేసులు వెలుగులోకి వచ్చాయి. 2016-17లో మొత్తం ఐదువేల అక్రమ కేసలు నమోదు కాగా, 2017 ఏప్రిల్ నుంచి 2018 మార్చి 1మధ్యకాలంలో వీటి సంఖ్య పెరిగి 5,152 కేసులు నమోదయ్యాయని సమాచార హక్కుపై అడిగిన ప్రశ్నకు సమాధానంగా ఆర్‌బీఐ వెల్లడించింది.

న్యూ ఢిల్లీ, మే 1: త్వరలో విమానాల్లో చరవాణి, అంతర్జాల సేవలను ప్రవేశపెట్టేందుకు కేంద్ర టెలికాం శాఖ ఏర్పాట్లు చేస్తోంది. వచ్చే మూడు నుంచి నాలుగు నెలల్లో ఈ సదుపాయాన్ని విమాన ప్రయాణీకులకు కల్పించనున్నారు. ఇప్పటికే టెలికాం మంత్రిత్వ శాఖ నౌకల్లో ఈ సేవలు అందించే ప్రతిపాదనకు ఆమోదం తెలిపింది. ఈ వివరాలను టెలికాం శాఖ కార్యదర్శి అరుణ సుందరరాజన్ మంగళవారం ఇక్కడ విలేఖర్లకు తెలిపారు.

న్యూఢిల్లీ, మే 1: కీలకమైన ఎనిమిది రంగాల పనితీరు మార్చి నెలలో మందగించడంతో, వీటి ప్రగతి మూడు నెలల కనిష్టమైన 4.1 శాతానికి తగ్గిపోయింది. బొగ్గు, ముడి చమురు, సహజవాయు రంగాలతో సహా మొత్తం ఆరు రంగాల పనితీరు తగిన రీతిలో లేకపోవడమే ఈవిధంగా వృద్ధి పడిపోవడానికి ప్రధాన కారణం.