విజయవాడ, జనవరి 12: క్లౌడ్ సర్వీసెస్, డేటా అనలిటిక్స్‌లో వివిధ సేవలు అందిస్తున్న యాష్ టెక్నాలజీస్ ప్రతినిధులతో రాష్ట్ర ఐటి శాఖ మంత్రి నారా లోకేష్ హైదరాబాద్‌లో శుక్రవారం సమావేశమయ్యారు. రాష్ట్రంలో ఐటి రంగం అభివృద్ధికి తీసుకుంటున్న చర్యల గురించి వివరించారు. డీటీపీ విధానం, ఇతర విధానాలు, రాయితీల గురించి వివరించారు.

విశాఖపట్నం, జనవరి 12: విశాఖ నగరం మరో ప్రతిష్టాత్మక సదస్సుకు ఆది థ్యం ఇవ్వనుంది. భారత మహిళా పారిశ్రామిక వేత్తల సమాఖ్య (ఆలిప్ ఇండియా), దక్షిణాసియా మహిళాభివృద్ధి సంస్థ (ఎస్‌ఏడబ్ల్యూడీఎఫ్)లతో కలసి ఏపీ ప్రభుత్వం ఈ సదస్సును జనవరి 17 నుంచి 19 వర కూ మూడు రోజుల పాటు నిర్వహించనున్నట్టు మంత్రి గంటా శ్రీనివాసరావు శుక్రవారం తెలిపారు.

హైదరాబాద్, జనవరి 12: భారత దేశ పెయింట్స్ మార్కెట్ పరిమాణం 2019-20 నాటికి రూ.70,875 కోట్లకు చేరుకుంటుంద ని, ఈ డిమాండ్‌ను దృష్టిలోపెట్టుకుని స్పెయిన్‌కు చెందిన గ్రాఫెన్‌స్టోన్‌తో కలిసి వివోసి ఉద్గార రహిత పెయింట్స్‌ను ఆవిష్కరించినట్లు కామధేను సంస్థ పేర్కొంది.

న్యూఢిల్లీ, జనవరి 11: బినామీ ఆస్తుల నిషేధం చట్టం అమల్లోకి వచ్చిన తరువాత ఇంతవరకు 3,500కోట్ల విలువ చేసే 900 బినామీ ఆస్తులను జప్తు చేసినట్లు కేంద్ర ఆర్థిక శాఖ వెల్లడించింది. బినామీ ఆస్తుల నిషేధ చట్టం 2016 నవంబర్ ఒకటో తేదీనుండి అమల్లోకి రావటం తెలిసిందే.