సంగారెడ్డి, అక్టోబర్ 14: తెలంగాణలో పత్తి పంటను కొనుగోలు చేయడంపై గుజరాత్ వ్యాపారులు ప్రత్యేక దృష్టి సారించారు. సిసిఐ నిర్ణయించిన ధరకే కొనుగోళ్లు జరిపేందుకు వారు మొగ్గు చూపుతున్నట్లు తెలుస్తోంది. పత్తి నాణ్యతను బట్టి సిసిఐ నిర్ణయించిన ధరను పరిగణలోకి తీసుకోకుండా మొదటి ధరకే మొత్తం పత్తిని కొనుగోలు చేసి తరలించుకుపోవాలని ఆ ప్రాంత వ్యాపారులు పత్తి రైతులతో ముందస్తుగా ఒప్పందాలు కుదుర్చుకుంటున్నారు.

ముంబయి, అక్టోబర్ 14: దేశంలోని అతిపెద్ద మైక్రో ఫైనాన్స్ సంస్థల్లో రెండవదిగా ఉన్న బిఎఫ్‌ఐఎల్ (్భరత్ ఫైనాన్షియల్ ఇంక్లూజన్ లిమిటెడ్)ను త్వరలో తాము కొనుగోలు చేయబోతున్నామని ప్రైవేటు రంగంలోని ఇండస్‌ఇండ్ బ్యాంకు శనివారం వెల్లడించింది. ఇండస్‌ఇండ్ బ్యాంకు తన పరిమాణాన్ని పెంచుకుని, మరింత మంది ఖాతాదారులకు చేరువయ్యేందుకు ఈ నిర్ణయం దోహదపడుతుంది.

న్యూఢిల్లీ, అక్టోబర్ 14: త్వరలో తమ ప్రమోటర్లకు ఒకటి లేదా అంతకంటే ఎక్కువ విడతల్లో ప్రిఫరెన్స్ షేర్లను లేదా బాండ్లను జారీ చేయడం ద్వారా రూ.20 వేల కోట్ల మేరకు నిధులను సమీకరించాలని యోచిస్తున్నట్లు టాటా గ్రూపునకు చెందిన లిస్టెడ్ టెలికామ్ సంస్థ టిటిఎంఎల్ (టాటా టెలీ సర్వీసెస్ మహారాష్ట్ర లిమిటెడ్) శనివారం వెల్లడించింది.

హైదరాబాద్, అక్టోబర్ 14: యునైటెడ్ అరబ్ ఎమిరేట్స్ (యుఎఇ)లోని అబుదాబిలో ప్రారంభమైన వరల్డ్ స్కిల్స్ ఇంటర్నేషనల్‌లో భారత దేశం తరఫున పాల్గొంటున్న హైదరాబాద్ యువతి మెహర్ రిషికాకు కేంద్రమంత్రి ధర్మేంద్ర ప్రధాన్ శుభాకాంక్షలు తెలిపారు.