బీజింగ్, ఆగస్టు 31:డోక్లాంలో తమ భూ భాగం లో ప్రతి అంగుళాన్నీ కాపాడుకుంటామని ఇందు లో భాగంగా దళాల సంఖ్యను, గస్తీని కూడా పెంచుతామని చైనా ఆర్మీ ప్రకటించింది. అయితే రహదారి నిర్మాణం నిలిపివేయడానికి సంబంధించి ఎలాంటి హామీ ఇవ్వలేదు. ఈ వివాదమే ఇరుదేశాల మధ్య 73 రోజుల పాటు ఉద్రిక్తత పరిస్థితులకు దారితీసిన సంగతి తెలిసిందే.

ఇస్లామాబాద్, ఆగస్టు 31:పాకిస్తాన్ మాజీ ప్రధాని బేనజీర్ భుట్టో హత్య కేసులో మాజీ అధ్యక్షుడు పర్వెజ్ ముషారఫ్‌ను పరారీలో ఉన్న నేరస్థుడిగా ఉగ్రవాద నిరోధక కోర్టు గురువారం ప్రకటించింది. 2007 డిసెంబర్ 27న రావల్పిండిలో ఎన్నికల ప్రచారం ముగించుకుని ఓ పార్కు నుంచి బయటికి వస్తూండగా బేనజీర్ దారుణ హత్యకు గురైన విషయం తెలిసిందే.

సియోల్: జపాన్ మీదుగా మరిన్ని క్షిపణులను ప్రయోగిస్తామని ఉత్తర కొరియా స్పష్టం చేసింది. తాజాగా తాము చేసిన ప్రయోగం ఆరంభం మాత్రమేనని ఐరాస, అమెరికా తదితర దేశాల హెచ్చరికల నేపథ్యంలో వెల్లడించింది. ఉత్తర కొరియా మంగళవారం ప్రయోగించిన మధ్యంతర శ్రేణి క్షిపణి తీవ్రస్థాయిలో ఉద్రిక్తతలను రేకెత్తించింది.

బీజింగ్, ఆగస్టు 29: కొన్ని నెలలుగా కొనసాగుతున్న డోక్లామ్ వివాదానికి తెరపడినట్లు అందరూ భావిస్తున్న తరుణంలో చైనా మరోసారి తన వక్రబుద్ధిని చాటుకుంది. భారత సైన్యాలు మాత్రమే వెనక్కి వెళ్లిపోయాయని అక్కడ తమ గస్తీ కొనసాగుతుందని స్పష్టం చేసింది. అంతేకాదు డోక్లామ్‌లో రోడ్డు నిర్మాణాన్ని ఆపి వేయడంపై కూడా దాటవేత ధోరణిని ప్రదర్శించింది.