పొన్నూరు, నవంబర్ 5: గుంటూరు జిల్లా పొన్నూరు మండల పరిధిలోని చింతలపూడి గ్రామానికి చెందిన భవన నిర్మాణ కార్మికుడు మూకిరి సలోమాను (46) మంగళవారం ఆత్మహత్య చేసుకున్నాడు. కొంతకాలంగా ఇసుక కొరత వలన ఉపాధి లేక ఆర్థిక ఇబ్బందులతో తీవ్రంగా కలత చెందుతున్న సలోమాను మంగళవారం ఇంట్లోనే ఉరేసుకుని ఆత్మహత్యకు పాల్పడినట్లు కుటుంబ సభ్యులు తెలిపారు. ఇతడి భౌతికకాయాన్ని టీడీపీ శ్రేణులు సందర్శించి ఘనంగా నివాళులర్పించారు.

చిత్తూరు: కుటుంబ కలహాలతో ఒకే కుటుంబానికి చెందిన ముగ్గరు ఆత్యహత్యకు పాల్పడిన ఘటన చిత్తూరు నగరం ఓబనపల్లి కాలనీలో సోమవారం చోటు చేసుకుంది. ఇందులో భార్యభర్తతో పాటు తొమ్మిది సంవత్సరాల కూతురు మృతి చెందింది. ఈ సంఘటన నగరంలో కలకలం సృష్టించింది. పోలీసుల కథనం మేరకు వివరాలు ఇలా ఉన్నాయి. ఓబనపల్లికాలనీకి చెందిన జయలక్ష్మి స్థానికంగా ఉన్న ఎల్‌ఐసీ కార్యాలయంలో స్వీపర్‌గా పని చేస్తూ ఇటీవల రిటైర్ అయ్యింది.

తిరుపతి, నవంబర్ 4: టీటీడీలోని అన్నదానం, లడ్డూ కౌంటర్లలో ఔట్ సోర్సింగ్ ఉద్యోగాల పేరుతో ఆన్‌లైన్ ద్వారా నిరుద్యోగులను నమ్మించి వారి నుంచి పెద్ద మొత్తంలో డబ్బులు వసూలు చేస్తున్న ముఠాను ఓ బాధితుడి ఫిర్యాదుతో టీటీడీ విజిలెన్స్ అధికారులు గుర్తించారు. వీరిపై ఫిర్యాదు చేయడంతో తిరుపతి ఈస్ట్ పోలీసులు ఇందులో ముగ్గురిని అదుపులోకి తీసుకోగా మరో వ్యక్తి పరారీలో ఉన్నాడు.

నర్సీపట్నం, నవంబర్ 4: గంజాయి అక్రమ రవాణాను నిరోధించేందుకు పోలీస్, ఎక్సైజ్ పోలీసులు ఎన్ని చర్యలు చేపట్టినప్పటికీ స్మగ్లర్లు మాత్రం కొత్త దారులను వెతుకుతూనే ఉన్నారు. ఆంధ్రా, ఒడిశా సరిహద్దు ప్రాంతాల నుండి విశాఖ మన్యం మీదుగా వివిధ రాష్ట్రాలకు భారీ స్థాయిలో గంజాయి అక్రమంగా తరలిపోతోంది.