న్యూఢిల్లీ, జనవరి 30: కాశ్‌గంజ్ హింసకు బాధ్యులపై కఠిన చర్యలు తీసుకుంటామని యూపీ సీఎం యోగి ఆదిత్యనాథ్ వెల్లడించారు. కాశ్‌గంజ్ ఘటనపై బీజేపీ నాయకులే వివాదాస్పద వ్యాఖ్యలు చేయడం, దీన్లో రాజకీయపార్టీల జోక్యం చేసుకోవడంతపై ముఖ్యమంత్రి తీవ్రంగానే స్పందించారు. కేంద్ర మంత్రి గిరిరాజ్ సింగ్ మీడియాపైనే విమర్శలు చేయగా, బీజేపీ సీనియర్ నేత వినయ్ కతియార్ వ్యాఖ్యలు వివాదాన్ని రేపాయి.

న్యూఢిల్లీ, జనవరి 30: మహిళల సాధికారిత, అభివృద్ధి, సంక్షేమంకోసం ముఖ్యమంత్రి చంద్రబాబు నాయుడు అమలుచేస్తున్న పథకాలు మంచి ఫలితాలు ఇస్తున్నాయని రాష్ట్ర మహిళా కమిషన్ అధ్యక్షురాలు నన్నపునేని రాజకుమారి చెప్పారు. మంగళవారం ఏపీ భవన్‌లో విలేఖరులతో మాట్లాడుతూ తల్లి-బిడ్డ ఎక్స్‌ప్రెస్, గర్భవతి మహిళల కిట్స్ పథకం, రుణాల మంజూరు మహిళలకు ఎంతో మేలు చేస్తున్నాయని తెలిపారు.

న్యూఢిల్లీ, జనవరి 30: షెడ్యూల్డు కులాల రిజర్వేషన్లను ఏబీసీడీలుగా వర్గీకరించాలని డిమాండ్ చేస్తూ తెలంగాణ కాంగ్రెస్ లోక్‌సభ సభ్యుడు నంది ఎల్లయ్య మంగళవారం ప్రధాన మంత్రి నరేంద్ర మోదీకి లేఖ రాశారు. న్యాయమూర్తి ఉషా మెహ్రా నివేదికను ఆమోదించి వర్గీకరణ సవరణ బిల్లు పార్లమెంటులో ప్రతిపాదించాలని ఆయన కోరారు. ఉషా మెహ్రా నివేదిక గత తొమ్మిది సంవత్సరాల నుంచి కేంద్రం వద్ద పెండింగ్‌లో ఉందని ఆయన చెప్పారు.

న్యూఢిల్లీ, జనవరి 30: నరేంద్ర మోదీ నేతృత్వంలోని కేంద్ర ప్రభుత్వ విధానాలను తూర్పారపట్టడమే లక్ష్యంగా చేసుకున్న కేంద్ర మాజీ మంత్రి యశ్వంత్ సిన్హా ‘రాష్ట్ర మంచ్’ పేరిట ఓ కొత్త రాజకీయ వేదికను మంగళవారం ఇక్కడ ప్రారంభించారు. బీజేపీలో అసంతృప్తి నేతగా ముద్ర పడిన ఎంపీ శత్రుఘ్న సిన్హాతో ఆయన చేతులు కలపడం ఇపుడు చర్చనీయాంశమైంది.