శ్రీనగర్, జూలై 10: జమ్ము కాశ్మీర్ పోలీసులు సోమవారం లష్కర్ ఏ తోయిబాకు చెందిన అత్యంత కీలకమైన ఉగ్రవాదిని అరెస్ట్ చేశారు. ఇతనితో పాటు ఉత్తరప్రదేశ్ వాసితోసహా ఇద్దరిని అరెస్ట్ చేశారు. ‘వివిధ సంచలనాలు సృష్టించిన ఉగ్రవాద నేరాల్లో కీలకపాత్ర పోషించిన ముష్కరుడిని అరెస్ట్ చేశాం. దక్షిణ కాశ్మీర్‌లో పలు నేరాలకు ఇతడు పాల్పడ్డాడు.

విశాఖపట్నం, జూలై 10: భారత్, యుఎస్, జపాన్ దేశాల మధ్య నౌకాదళ సంబంధాలు మరింత పటిష్ఠపరుచుకునేందుకు దోహపడేవిధంగా బంగాళాఖాతం, నార్త్ ఇండియన్ సీలో మలబార్ విన్యాసాలు సోమవారం ప్రారంభమయ్యాయి. విన్యాసాలు 17వ తేదీ వరకూ జరగనున్నాయి. సముద్ర భద్రత విషయంలో ఈ మూడు దేశాలు సంయుక్తంగా చేపట్టాల్సిన చర్యలు, వాటికి సంబంధించి ఆయా దేశాల్లో ఉన్న శక్తి సామర్థ్యాల గురించి ఇందులో పరస్పరం తెలుసుకుంటారు.

పాట్నా, జూలై 10: బీహార్ సంకీర్ణంలో ముసలం పుట్టింది. ఆర్జేడీ అధినేత లాలూ ప్రసాద్ యాదవ్ కుమారుడు, రాష్ట్ర ఉపముఖ్యమంత్రి తేజస్వి యాదవ్‌పై సిబిఐ దాడులు చేయటం నితీశ్ కుమార్‌కి మద్దతు ఇవ్వటానికి బిజెపి సంసిద్ధం వ్యక్తం చేసింది.

న్యూఢిల్లీ, జూలై 10: సామాజిక కార్యకర్త తీస్తా సెతల్వాడ్‌కు సుప్రీం కోర్టులో ఊరట దక్కలేదు. 2002 గుజరాత్ అల్లర్లలో చనిపోయినవారి మృతదేహాలు ఖననం చేసిన ఘటనతో ఆమెకు సంబంధం ఉన్నట్టు అభియోగాలు ఎదుర్కొంటున్నారు. పంచ్‌మహల్ పోలీసు స్టేషన్లో కేసు నమోదయింది. గుజరాత్ హైకోర్టు ఆదేశం మేరకు సెతల్వాడ్‌పై కేసు నమోదు చేయగా సుప్రీం కోర్టులో సవాల్ చేసింది.