న్యూఢిల్లీ, జూన్ 25: తెలంగాణలోని రామగుండం ఎరువుల కార్మాగారం నుంచి 2018 చివరికల్లా ఉత్పత్తిని ప్రారంభించనున్నట్లు రామగుండం ఫెర్టిలైజర్ కార్పొరేషన్ లిమిటెడ్ సిఇవో వివేక్ మల్హోత్రా వెల్లడించారు. ఈ ఎరువుల కార్మాగారానికి తెలంగాణ తన వాటా కింద రూ.72.21 కోట్లు విడుదల చేసింది. దీంతో వివేక్ మల్హోత్రాతో పాటు పెద్దపల్లి ఎంపీ బాల్క సుమన్ ఆదివారం ముఖ్యమంత్రి కెసిఆర్‌ను కలిసి కృతజ్ఞతలు తెలిపారు.

న్యూఢిల్లీ, జూన్ 25: నలభై రెండు సంవత్సరాల క్రితం అంటే 1975 జూన్ 25న అప్పటి ఇందిరాగాంధీ ప్రభుత్వం విధించిన ఎమర్జెన్సీ పీడకలను ఎన్నటికీ మరిచిపోలేమని ప్రధాని నరేంద్ర మోదీ అన్నారు. భారతదేశ ప్రజాస్వామ్యం విలువలను నిరంతర నిఘాతో పరిరక్షించుకోవాల్సిన అవసరాన్ని ఇది మరింతగా స్పష్టం చేస్తోందని తెలిపారు.

శ్రీనగర్, జూన్ 25: శ్రీనగర్ శివార్లలో శనివారం సిఆర్‌పిఎఫ్ కాన్వాయ్‌పై దాడి చేసి శ్రీనగర్- జమ్మూ, నేషనల్ హైవేపై ఉన్న ఢిల్లీ పబ్లిక్ స్కూలులో దాగిన ఇద్దరు మిలిటెంట్లను భద్రతా దళాలు ఆదివారం సాయంత్రం మట్టుపెట్టడంతో 14 గంటలుగా సాగుతున్న ఎన్‌కౌంటర్‌కు తెరపడింది. నగర శివార్లలో పంథాచౌక్ వద్ద సిఆర్‌పిఎఫ్ బృందంపై మిలిటెంట్లు జరిపిన దాడిలో ఒక అధికారి మృతి చెందగా మరో కానిస్టేబుల్ గాయపడ్డం తెలిసిందే.

న్యూఢిల్లీ, జూన్ 25: ఆంధ్రప్రదేశ్‌లోని విజయనగరం జిల్లాలో 100 గంటల్లో 71 గ్రామాల్లో 10వేల మరుగుదొడ్లు నిర్మించడంపట్ల ప్రధాని నరేంద్ర మోదీ అభినందనలు తెలిపారు. ఆదివారం రేడియోలో 33వ ‘మన్ కీ బాత్’లో ప్రజలనుద్దేశించి ఆయన మాట్లాడారు. స్వచ్ఛ్భారత్‌లో భాగంగా విజయనగరం జిల్లాలో స్థానిక ప్రజలను అధికారులు చైతన్యవంతం చేసి మరుగుదొడ్ల నిర్మాణం చేపట్టిన విషయం తన దృష్టికి వచ్చిందని పేర్కొన్నారు.