చెన్నై, ఏప్రిల్ 21: తమిళనాడులోని అధికార అన్నాడిఎంకె వైరి వర్గాల మధ్య విలీనానికి శుక్రవారం నాడు పరిణామాలు నేపథ్యంలో కొంతమేర మార్గం సుగమం అయింది. శశికళ, దినకరన్‌లను బహిష్కరిస్తేతప్ప విలీనానికి ఆస్కారం లేదని తేల్చిచెప్పిన మాజీ ముఖ్యమంత్రి ఓ పన్నీర్ సెల్వం పట్టు సడలించారు. ముఖ్యమంత్రి పళనిస్వామి సారథ్యంలోని అన్నాడిఎంకె బృందం విలీన చర్చలు జరిపేందుకు తాజాగా ఓ కమిటీని ఏర్పాటు చేసింది.

సూళ్లూరుపేట, ఏప్రిల్ 21: దేశానికి అందిస్తున్న వివిధ సేవల్లో భారత అంతరిక్ష పరిశోధన సంస్థ (ఇస్రో) కీలక పాత్ర పోషిస్తోందని ఆ సంస్థ చైర్మన్ ఎఎస్.కిరణ్‌కుమార్ అన్నారు. నెల్లూరు జిల్లా శ్రీహరికోటలోని సతీష్ థావన్ అంతరిక్ష పరిశోధన కేంద్రం (షార్)లోని ఎంఆర్ కురుప్ ఆడిటోరియంలో శుక్రవారం జరిగిన శాస్తవ్రేత్తలు, ఉద్యోగుల ప్రతిభా పురస్కార అవార్డుల ప్రదాన కార్యక్రమంలో ఆయన పాల్గొన్నారు.

న్యూఢిల్లీ, ఏప్రిల్ 21: దేశ రాజధానిలో నెల రోజులకు పైగా నిరసన తెలుపుతున్న తమిళ రైతులకు సిపిఐ సంఘీభావం తెలిపింది. కరవు ఇబ్బందులు ఏదుర్కొంటున్న తమను ఆదుకోవాలంటూ జంతర్ మంతర్‌లో వివిధ రకాల పద్ధతుల్లో రైతులు నిరసన తెలుపుతూనే వున్నారు. శుక్రవారం సిపిఐ జాతీయ ప్రధాన కార్యదర్శి సురవరం సుధాకర్‌రెడ్డి, జాతీయ కార్యదర్శి నారాయణ ఇతర పార్టీల నేతలు తమిళ రైతులను కలిశారు.

న్యూఢిల్లీ, ఏప్రిల్ 21:యాభై శాతం రాయితీపై ప్రయాణం చేసేందుకు సీనియర్ సిటిజన్లకు ఎయిర్ ఇండియా మరింత వెసులుబాటు కల్పించింది. ఈ రాయితీ అర్హత వయోపరిమితిని 63 నుంచి 60 సంవత్సరాలకు తగ్గించింది. అరవై సంవత్సరాలు దాటిన ప్రయాణికులకు ఎకానమీ క్లాస్‌లో పర్యటించేందుకు టికెట్ ధరలో 50శాతం రాయితీని ఇస్తామని ఎయిర్ ఇండియా ప్రతినిధి ఒకరు తెలిపారు. ఈ వెసులుబాటు దేశీయ విమానాలకే వర్తిస్తుందని స్పష్టం చేశారు.