చెన్నై, సెప్టెంబర్ 18: తోటి స్పిన్నర్ కుల్దీప్ యాదవ్‌కు, తనకు మధ్య పరస్పర అవగాహన ఉందని, అందుకే, అనుకున్నది సాధించామని భారత స్పిన్నర్ యుజువేంద్ర చాహల్ అన్నాడు. ఆస్ట్రేలియాతో ఆదివారం జరిగిన మొదటి వనే్డలో 30 పరుగులిచ్చి మూడు వికెట్లు పడగొట్టిన అతను ఒక ఇంటర్వ్యూలో మాట్లాడుతూ, స్పిన్నర్లు ఎప్పుడూ దూకుడుగానే ఉంటారని, వికెట్లను సాధించేందుకు నిరంతరం శ్రమిస్తారని అన్నాడు.

చెన్నై, సెప్టెంబర్ 18: భారత మాజీ కెప్టెన్ మహేంద్ర సింగ్ ధోనీకి చెన్నైలోని చేపాక్ (ఎంఎ చిదంబరం) స్టేడియం కలిసొచ్చిందని చెప్పాలి. ఈ మైదానంలో ధోనీ మొత్తం ఆరు ఇన్నింగ్స్ ఆడి, 401 పరుగులు చేశాడు. ఈ స్కోరులో రెండు శతకాలు, ఒక అర్ధ శతకం ఉన్నాయి. 100.25 సగటును అతను చేపాక్‌లో నమోదు చేశాడు. మరే ఇతర మైదానంలో అతనికి ఇంత భారీ సగటు లేదు.

టోక్యో, సెప్టెంబర్ 18: క్వాలిఫయర్స్‌తో మంగళవారం నుంచి ఇక్కడ మొదలుకానున్న జపాన్ ఓపెన్ బాడ్మింటన్ టోర్నమెంట్‌లో అభిమానుల దృష్టి తెలుగు తేజం పివి సింధుపై కేంద్రీకృతమైంది. ఇటీవలే కొరియా ఓపెన్ ఫైనల్‌లో నొజోమీ ఒకుహరాను ఓడించి టైటిల్ సాధించిన 22 ఏళ్ల ఈ హైదరాబాద్ జపాన్ ఓపెన్ మొదటి రౌండ్‌లో మినాత్సు మితానీతో తలపడుతుంది.

మిలన్, సెప్టెంబర్ 18: పౌలొ డిబలా హ్యాట్రిక్‌తో రాణించడంతో, చాంపియన్స్ లీగ్‌లో ససువొలోతో జరిగిన గ్రూప్ మ్యాచ్‌ని 3-1 తేడాతో గెల్చుకుంది. మొదటి నుంచి దూకుడుగా ఆడిన డిబలా 16వ నిమిషంలోనే తొలి గోల్ చేశాడు. నిజానికి అంతకు ముందు, పదో నిమిషంలోనే అతని ఖాతాలో తొలి గోల్ చేరి ఉండేది. కానీ, అతను కొట్టిన బంతి గోల్ పోస్టుకు తగిలి దూరంగా వెళ్లడంతో, గోల్ రాలేదు.