హైదరాబాద్, సెప్టెంబర్ 3: జాతీయ, అంతర్జాతీయ స్థాయిలో తీవ్రవాదాన్ని ఉక్కుపాదంతో అణచివేయాలని భారత ఉపరాష్టప్రతి ఎం. వెంకయ్యనాయుడు పిలుపునిచ్చారు. హైదరాబాద్‌లోని నల్సార్ యూనివర్సిటీలో ఏర్పాటు చేసిన ‘78 వ ఇన్‌స్టిట్యూట్ ఆఫ్ ఇంటర్నేషనల్ లా’ సమావేశాలను ఆదివారం ఆయన ప్రారంభించారు. ఈ సందర్భంగా ఉపరాష్టప్రతి మాట్లాడుతూ, తీవ్రవాదం వల్ల భారత్‌తో సహా ప్రపంచంలోని అన్ని ముఖ్యమైన దేశాలకు ముప్పు ఉందన్నారు.

శ్రీశైలం, సెప్టెంబర్ 3: ఎగువన కురుస్తున్న వర్షాల కారణంగా శ్రీశైలం ప్రాజెక్టుకు జూరాల నుంచి 32 వేల క్యూసెక్కుల నీరు వచ్చి చేరుతోంది. శ్రీశైలం డ్యాం పూర్తిస్థాయి నీటి మట్టం 885 అడుగులు, నీటి నిల్వ సామర్థ్యం 215 టిఎంసిలు కాగా, ప్రస్తుతం నీటి మట్టం 793 అడుగులు, నీటి నిల్వ 25.703 టిఎంసిలు ఉన్నాయి. శ్రీశైలం జలాశయానికి ఆదివారం నాటికి జూరాల నుంచి 32 వేల క్యూసెక్కుల నీరు వచ్చి చేరుతోంది.

హైదరాబాద్, సెప్టెంబర్ 2: జనసేనను పటిష్టం చేసే దిశగా ఆ పార్టీ అధినేత పవన్‌కల్యాణ్ కసరత్తు ప్రారంభించారు. తొలుత ఆంధ్రప్రదేశ్‌లో పార్టీకి ఒక రూపాన్ని ఇచ్చి, అక్కడ నమ్మకాన్ని విశ్వాసాన్ని పెంచుకున్న తర్వాత తెలంగాణలో పార్టీని నిలపాలని సహచరులు ఇస్తున్న సలహాను పవన్ పాటిస్తున్నట్టు తెలిసింది.

గుంటూరు, సెప్టెంబర్ 2: సినీ హీరో నిఖిల్‌కు తృటిలో ప్రమాదం తప్పింది. గుంటూరు నగరంలోని చంద్రవౌళినగర్‌లో ఓ ప్రైవేటు వ్యాయామశాల (జిమ్) ప్రారంభోత్సవ కార్యక్రమానికి ముఖ్య అతిధిగా హాజరయ్యేందుకు శనివారం నిఖిల్ గుంటూరు చేరుకున్నారు. ఐదంతస్తుల భవనంలోని నాలుగో ఫ్లోర్‌లో జిమ్ ప్రారంభోత్సవానికి ఏర్పాటు చేశారు. లిఫ్టు నాలుగో ఫ్లోర్‌కు చేరుకునే సమయంలో సాంకేతికలోపం కారణంగా ఉన్నట్టుండి ఆగిపోయింది.