హైదరాబాద్, జూన్ 13:కాపునేత ముద్రగడ పద్మనాభం ఆమరణ నిరాహారదీక్ష శాంతిభద్రతల సమస్యగా మారే ప్రమాదం కనిపిస్తోంది. ప్రభుత్వం ఇప్పటివరకూ చర్చలకు వెళ్లకపోవడం, ముద్రగడ ఆహారం తీసుకోవడానికి, వైద్య సేవలకు నిరాకరించడం కాపువర్గంలో కలవరం కలిగిస్తున్నాయి. తాజాగా ఉత్తరాంధ్ర, కోస్తా జిల్లాల్లోనూ కాపు నేతల నిరసనలు విస్తరించడం చూస్తే, భవిష్యత్తు పరిణామాలు నవ్యాంధ్రపై ప్రభావం చూపుతాయన్న ఆందోళన వ్యక్తమవుతోంది.

విజయవాడ, జూన్ 13: అమరావతికి ఉద్యోగులు తరలివచ్చే ప్రక్రియకు కౌంట్‌డౌన్ ప్రారంభమవడంతో ప్రభుత్వం వడివడిగా అడుగులేస్తోంది. ఉద్యోగుల తరలింపునకు సంబంధించి తాజాగా విధివిధానాలు జారీ చేసింది. సిఎస్ టక్కర్‌తో సోమవారం జరిగిన సమావేశంలో సిఎం చంద్రబాబు క్షుణ్ణంగా చర్చించారు. అనంతరం సోమవారం రాత్రి పొద్దుపోయాక విధివిధానాలను విడుదల చేశారు.

హైదరాబాద్, జూన్ 12 : అమెరికా అధ్యక్షుడు బరాక్ ఒబామా, భారత ప్రధాన మంత్రి నరేంద్రమోదీ కలిసి ప్రపంచశాంతికి పునాదులు వేయాలని విశ్వయోగి విశ్వంజీ పేర్కొన్నారు. ఆదివారం ఆయన ఆంధ్రభూమి ప్రతినిధితో మాట్లాడుతూ, మోదీ ఇటీవల అమెరికా పర్యటన వల్ల ప్రపంచశాంతికి బాటలు వేసినట్టయిందన్నారు.

హైదరాబాద్, జూన్ 12: తెలంగాణాలో కాంగ్రెస్ నేతల తీరుపై అధ్యక్షురాలు సోనియాగాంధీ తీవ్రంగా అసహనం వ్యక్తం చేశారు. పార్టీ ఎమ్మెల్యేలు, ఇతర సీనియర్ నాయకులు, మాజీ ఎంపీలు తెలంగాణ రాష్ట్ర సమితిలో చేరిపోతుంటే టి.పిసిసి అధ్యక్షుడు ఉత్తమ్‌కుమార్ రెడ్డి చోద్యం చూస్తున్నారా? అని అధినేత్రి ఆగ్రహం వ్యక్తం చేసినట్లు సమాచారం.