హైదరాబాద్, జూన్ 12: ‘తెలంగాణ అక్షర యోధుడు’ శీర్షికన ఆంధ్రభూమి దినపత్రికలో ఆదివారం ప్రచురితమైన కథనంపై సిఎం కె చంద్రశేఖర్‌రావు స్పందించారు. తెలంగాణ ఉద్యమానికి అక్షరాయుధాలు అందించిన కెఎల్ రెడ్డి తీరని పేదరికంతో బతుకు పోరాటం చేస్తున్నారు. మరోపక్క వృద్ధ్యాపంలో సంక్రమించిన పార్కిసన్స్ వ్యాధితో ఇబ్బంది పడుతున్నారు. కథనంతో విషయం తెలుసుకున్న ముఖ్యమంత్రి కెసిఆర్ స్పందించారు.

హైదరాబాద్, జూన్ 12: మెరుగైన ఫలితాల కోసం టి-హబ్, డిఆర్‌డివోలు కలిసి పని చేస్తే మంచిదని కేంద్ర రక్షణ మంత్రి మనోహర్ పారికర్ అభిప్రాయపడ్డారు. రెండింటి భాగస్వామ్యంతో నగరంలో డిఫెన్స్ టెక్నాలజీ పరిశోధనలు, స్టార్టప్‌లకు మద్దతు లభిస్తుందన్న ఆశాభావం వ్యక్తం చేశారు. తెలంగాణ ఐటి ప్రగతిని అభినందిస్తూ కేంద్ర రక్షణ మంత్రి మనోహర్ పారికర్ రాష్ట్ర ఐటి మంత్రి కె తారక రామారావుకు లేఖ రాశారు.

హైదరాబాద్, జూన్ 12: ఏపిఎస్ ఆర్టీసి విభజన కాలేదు. ఆస్తుల పంపకం ప్రక్రియ నిలిచిపోయింది. కాని ఇక్కడ బస్‌భవన్‌లో ఉన్న ఏపి ఆర్టీసి ఉద్యోగులను ఈ నెల 27లోగా విజయవాడ బస్ హౌస్‌లో రిపోర్టు చేయాలని ఆర్టీసి ఎండి ఆదేశాలు ఇవ్వడంతో ఎంప్లారుూస్ యూనియన్, నేషనల్ మజ్దూర్ యూనియన్‌లు ఆందోళనకు సిద్ధమవుతున్నాయి.

విశాఖపట్నం, జూన్ 12: ప్రైవేటు పాఠశాలల్లో ఫీజుల దోపిడీ ఎంతమాత్రం తగదని మానవవనరుల శాఖ మంత్రి గంటా శ్రీనివాసరావు హెచ్చరించారు. రాష్ట్రంలో ప్రైవేటు పాఠశాలలు ఫీజుల విషయంలో ఇష్టారాజ్యంగా వ్యవహరిస్తున్నాయని, పాఠ్యపుస్తకాలు, యూనిఫాం, స్టడీ మెటీరియల్, తదితర ఫీజులతో దోచుకుంటున్నాయన్నారు. ఇక మీదట ప్రైవేటు పాఠశాలల్లో ఏ తరగతికి ఎంత వసూలు చేస్తున్నదీ ఫీజుల వివరాలను వెబ్‌సైట్లో పెట్టాలని ఆదేశించారు.