హైదరాబాద్, జూన్ 4: తెలంగాణ రాష్ట్రంలోని 10 జిల్లాల్లో ప్రభుత్వ స్కూళ్లలో చదివి పదో తరగతిలో టాపర్లుగా నిలిచిన 90 మంది విద్యార్ధులకు వందేమాతరం ఫౌండేషన్ విహంగ విహారం చేసే అవకాశం కల్పించింది. గత ఎనిమిదేళ్లుగా విద్యార్ధుల్లో స్ఫూర్తిని రగిలించేందుకు, పేద విద్యార్ధులకు విమానం ఎక్కే అవకాశాన్ని కల్పించేందుకు వందేమాతరం ఫౌండేషన్ ఈ కార్యక్రమాన్ని నిర్వహిస్తోంది.

హైదరాబాద్, జూన్ 4: ఆంధ్ర రాష్ట్రంలో శ్రీకాకుళం జిల్లా కొవ్వాడ వద్ద తలపెట్టిన 9564 మెగావాట్ల అణు విద్యుత్ ప్లాంట్ పనులు స్పీడందుకున్నాయి. కేంద్ర పర్యావరణ శాఖ ఆధ్వర్యంలోని ఉన్నత స్ధాయి నిపుణులు ఈ నెలలో అణు విద్యుత్ ప్లాంట్ సైట్‌ను సందర్శించి పర్యావరణ ప్రభావంపై అధ్యయనం చేయనున్నారు. ఇందులో భాగంగా సామాజిక ప్రభావిత అంచనా అధ్యయనం కూడా చేసి కేంద్రానికి వెంటనే నివేదిక ఇవ్వనున్నారు.

హైదరాబాద్, జూన్ 4: కృష్ణా నదీ యాజమాన్య బోర్డు ఏకపక్షంగా వ్యవహరిస్తూ తెలంగాణ ప్రయోజనాలు దెబ్బతినేలా వ్యవహరిస్తోందని, దీన్ని సీరియస్‌గానే ఎదుర్కోవాలని తెలంగాణ ప్రభుత్వం నిర్ణయించుకుంది. బోర్డు వ్యవహారంపై రాష్ట్రంలోని బిజెపి మద్దతు పొందేందుకు ప్రయత్నిస్తున్నారు. నగరంలో పర్యటిస్తున్న పార్లమెంటరీ కమిటీ దృష్టికి సైతం కృష్ణా బోర్డు వ్యవహారాన్ని తీసుకెళ్లారు.

హైదరాబాద్, జూన్ 4: రాష్ట్రంలో పెండింగ్‌లోని సాగునీటి ప్రాజెక్టులను పూర్తికి 6500 కోట్లు మంజూరు చేయాలని తెలంగాణ ప్రభుత్వం కేంద్రాన్ని కోరింది. తెలంగాణ ప్రాజెక్టులపై కేంద్ర జలవనరుల పార్లమెంటరీ సభ్యుల బృందం శనివారం హైదరాబాద్‌లో సమావేశమైంది. తెలంగాణ విజ్ఞప్తిపై పార్లమెంటరీ బృందం సానుకూలంగా స్పందించింది. కేంద్రానికి ఈ అంశంపై తాము నివేదిక ఇస్తామని కమిటీ చైర్మన్ హుకుంసింగ్ హామీనిచ్చారు.