ఏపీని పోలియోరహిత రాష్ట్రంగా తీర్చిదిద్దే మహా సంకల్పంతో క్రమం తప్పకుండా పల్స్‌పోలియో నిర్వహిస్తున్నట్టు సీఎం చంద్రబాబు స్పష్టం చేశారు. విజయవాడ మున్సిపల్ స్టేడియంలో ఆదివారం ఓ చిన్నారికి పోలియో చుక్కల మందువేసి కార్యక్రమాన్ని లాంఛనంగా ప్రారంభించారు.

విజయవాడ (క్రైం), జనవరి 28: నకిలీ ధృవీకరణ పత్రాలతో కోట్ల రూపాయల విలువైన భూమిని కాజేయాలనే కుట్ర విజయవాడ కేంద్రంగా సీఐడీ విచారణలో వెలుగుచూసింది. ఓ స్వాతంత్య్ర సమరయోధునికి చెందిన భూమిని కైవసం చేసుకునేందుకు అధికార తెలుగుదేశం పార్టీ ఎమ్మెల్యే బొండా ఉమామహేశ్వరరావు అనుచరుడు, 47వ డివిజన్ కార్పొరేటర్ గండు మహేష్ చక్రం తిప్పాడు. భూమిని ఎమ్మెల్యే భార్య పేరిట రిజిస్ట్రేషన్ చేయడం గమనార్హం.

హైదరాబాద్, జనవరి 28: దేశంలో మతవిద్వేషాలు, వర్గాలపోరు ప్రేరేపించడం, అశ్లీల సాహిత్యాన్ని ప్రచారం చేసే సామాజిక మాధ్యమాలపై కేంద్ర హోంశాఖ వేటు వేస్తోంది. అభ్యంతరమైన రాతలను సామాజిక మాధ్యమాలపై ప్రచారం చేసే 1329 యుఆర్‌ఎల్ (యూనిఫైడ్ రిసోర్చ్ లోకేషన్)లను కేంద్రం 2017 సంవత్సరంలో బ్లాక్ చేసింది. 2016లో ఈ తరహా 964 సామాజిక మాధ్యమాలపై కొరడా ఝుళిపించింది.

విజయవాడ, జనవరి 28: సూర్యారాధన ఒక మతానికి సంబంధించింది కాదని, సైంటిఫిక్ అంశమని సీఎం చంద్రబాబు అన్నారు. కులమతాలకు అతీతంగా సూర్యారాధన కొనసాగించాల్సిన అవసరం ఉందన్నారు. నగరంలోని ఇందిరాగాంధీ మున్సిపల్ స్టేడియంలో ఆదివారం నిర్వహించిన సూర్యారాధనకు ముఖ్యఅతిథిగా హాజరయ్యారు. చరిత్రలో తొలిసారి ప్రభుత్వం తరపున ప్రకృతిని ఆరాధించే కార్యక్రమానికి శ్రీకారం చుట్టామన్నారు.