హైదరాబాద్, ఆగస్టు 20: భారత వ్యవసాయ మండలి తెలంగాణ సిఎం కెసిఆర్‌కు వ్యవసాయ పురస్కారాన్ని ప్రకటించడం సిగ్గు చేటని తెలంగాణ తెలుగుదేశం పార్టీ (టిటిడిపి) విమర్శించింది. వ్యవసాయ మండలా..? లేక కెసిఆర్ భజన మండలా..? అని ప్రశ్నించింది. టిటిడిపి అధికార ప్రతినిధి నన్నూరి నర్సిరెడ్డి ఆదివారం ఒక ప్రకటన విడుదల చేశారు.

హైదరాబాద్, ఆగస్టు 20: వచ్చే నెల 17న తెలంగాణ విమోచన దినోత్సవాన్ని ఘనంగా నిర్వహించాలని బిజెపి రాష్ట్ర పదాదికారుల సమావేశం నిర్ణయించింది. ఆదివారం బిజెపి రాష్ట్ర అధ్యక్షుడు డాక్టర్ కె. లక్ష్మణ్ అధ్యక్షతన పార్టీ కార్యాలయంలో పార్టీ పదాధికారుల సమావేశం జరిగింది. ఈ సమావేశానికి పార్టీ సీనియర్ నాయకుడు, కేంద్ర మంత్రి బండారు దత్తాత్రేయ, ఆ పార్టీ ఎమ్మెల్యేలు, ఇతర ముఖ్య నాయకులు హాజరయ్యారు.

హైదరాబాద్, ఆగస్టు 20: భారీ వర్షాల నేపథ్యంలో నీటిపారుదల శాఖలో ఇంజనీర్లు, అధికారులు, సిబ్బంది నిరంతరం అప్రమత్తంగా ఉండాలని మంత్రి తన్నీరు హరీశ్‌రావు ఆదేశించారు. పరిస్థితిని ఎప్పటికప్పుడు ఆన్‌లైన్‌లో, వాట్సాప్‌లో సమీక్షిస్తున్నారు. మేజర్, మీడియం, మైనర్ ఇరిగేషన్ విభాగాల సిఇలకు పలు సూచనలు చేశారు. అత్యవసర పరిస్థితులను దృష్టిలో పెట్టుకొని ఇరిగేషన్ శాఖ యంత్రాంగం అప్రమత్తంగా ఉండాలని మంత్రి అన్నారు.

హైదరాబాద్, ఆగస్టు 20: త్వరలో లోక్‌సత్తా పార్టీ నియోజకవర్గ కమిటీలను నియమించనున్నట్లు ఆ పార్టీ తెలంగాణ శాఖ అధ్యక్షుడు నందిపేట రవీందర్ తెలిపారు. అలాగే అక్టోబర్‌లో పార్టీ వార్షికోత్సవ సభ నిర్వహించేందుకు ఏర్పాట్లు చేస్తున్నట్లు తెలిపారు. ఆదివారం జరిగిన సమావేశంలో పలు నిర్ణయాలు తీసుకున్నామన్నారు.