హైదరాబాద్, డిసెంబర్ 15: కాళేశ్వరం ప్రాజెక్టు భూ సేకరణ పనులు వేగవంతం చేయాలని నీటిపారుదల శాఖ మంత్రి హరీశ్‌రావు అధికారులకు సూచించారు. ఈ ప్రాజెక్టువల్ల తెలంగాణలోని 15 జిల్లాల రైతాంగానికి ప్రయోజనం కలుగుతుందని, ఈ ప్రాజెక్టును ఏదో విధంగా అడ్డుకోవాలని ప్రతిపక్షాలు కుతంత్రాలు పన్నుతున్నాయని, ప్రతిపక్షాల వలలో రైతులు పడకుండా అవగాహన కలిగించాలని చెప్పారు.

హైదరాబాద్, డిసెంబర్ 15: నగరంలోని వివిధ ప్రాంతాల్లో ఈవ్ టీజింగ్‌కు పాల్పడుతోన్న ఏడుగురిని షీ టీమ్స్ బృందాలు అదుపులోకి తీసుకున్నట్టు షీ టీమ్స్ అధికారిణి, అదనపు పోలీస్ కమిషనర్ స్వాతిలక్రా తెలిపారు. నిందితుల్లో 61 ఏళ్ల ఓ వృద్ధుడు కూడా ఉన్నట్టు ఆమె పేర్కొన్నారు. ఎన్టీఆర్ పార్క్ వద్ద మహిళలను వేధించిన రాజేందర్‌ఫాడ్ (24) శ్రీనివాస్ సోలంకి (18) ప్రవీణ్‌కుంద్ (18)లను అదుపులోకి తీసుకున్నారు.

గుంటూరు (కల్చరల్), డిసెంబర్ 15: కావ్యాలు, కథలు, విమర్శ, హిందూమత మహావర్ణన, వీటన్నింటికి తోడు విమర్శకుల ప్రశంసలు పొందిన చారిత్రక నవలలెన్నింటినో రచించిన ఆచార్య ముదిగొండ శివప్రసాద్ తెలుగుజాతి మెచ్చిన అత్యుత్తమ చారిత్రక నవలా చక్రవర్తి అని పలువురు ప్రముఖులు కొనియాడారు.

గోదావరిఖని, డిసెంబర్ 14: గోదావరి నుంచి వృధాగా పోతున్న నీటి నిల్వలను పరిపూర్ణంగా వినియోగంలోకి తీసుకువస్తూ, నీటి కొరతగల ప్రాంతాలకు రివర్స్ పంపింగ్ ద్వారా నిరంతరం నీటిని సరఫరా చేసే అవకాశం ఉన్నందున కాళేశ్వరం మేడిగడ్డ ప్రాజెక్ట్‌ను లైఫ్ లైన్ ప్రాజెక్ట్‌గా ప్రభుత్వం గుర్తించిందని తెలంగాణ ఆర్టీసీ చైర్మన్ సోమారపు సత్యనారాయణ తెలిపారు.