హైదరాబాద్, నవంబర్ 3: తెలంగాణ ప్రభుత్వం ప్రస్తుతం కొలువు తీరిన సచివాలయాన్ని కూల్చివేసి తాత్కాలికంగా వేరే చోటకు తరలించి కొత్త భవనాలను నిర్మించాలన్న ప్రతిపాదనలను ఉపసంహరించుకోవాలని టిపిసిసి అధ్యక్షుడు ఉత్తమ్‌కుమార్ రెడ్డి ముఖ్యమంత్రి కెసిఆర్‌కు బహిరంగ లేఖ రాశారు. సచివాలయాన్ని తరలించడం తెలివితక్కువ నిర్ణయమన్నారు.

హైదరాబాద్, నవంబర్ 3: మల్కన్‌గిరి ఎన్‌కౌంటర్‌కు నిరశనగా ఐదు రాష్ట్రాల్లో మావోయిస్టులు తలపెట్టిన బంద్ గురువారం ప్రశాంతంగా సాగింది. మావోల బంద్ పిలుపుతో తెలంగాణ, ఆంధ్రప్రదేశ్, ఒడిశా, చత్తీస్‌గఢ్, మహారాష్టల్ల్రో పోలీసులు హై అలర్ట్ ప్రకటించారు. సరిహద్దుల్లో భారీగా బలగాలను మోహరించారు. అవాంఛనీయ సంఘటనలు జరగకుండా చర్యలు చేపట్టారు. ఏవోబిలో హెలికాప్టర్ ద్వారా ఏరియల్ సర్వే కూడా నిర్వహించారు.

హైదరాబాద్, నవంబర్ 3: వివాదాల ప్రత్యామ్నాయ పరిష్కారాల అంతర్జాతీయ కేంద్రం (ఐసిఎడిఆర్) ఏపి, తెలంగాణ రాష్ట్రాల చాప్టర్ శుక్రవారం నాడు మధ్యవర్తిత్వంపై న్యాయమూర్తులకు శిక్షణ కార్యక్రమాన్ని నిర్వహిస్తోంది. ఈ కార్యక్రమాన్ని ఉదయం 9.30 గంటలకు హైకోర్టు న్యాయమూర్తి జస్టిస్ ఎ రామలింగేశ్వరరావు ప్రారంభిస్తారు. సాయంత్రం ముగింపు కార్యక్రమంలో జస్టిస్ జి శ్యాం ప్రసాద్ పాల్గొంటారు.

మఠంపల్లి, నవంబర్ 3: నల్లగొండ జిల్లా మఠంపల్లి మండలంలోని గుర్రంపోడు తండా పునరావాస భూములలో స్టీల్‌ప్లాంట్‌కు సంబంధించి హద్దుల ఏర్పాటు కోసం వచ్చిన రెవెన్యూ సర్వే అధికారులను గురువారం గిరిజనులు అడ్డుకున్నారు. ఈ సందర్భంగా కొంత మేర ఉద్రిక్తత నెలకొంది. 540 సర్వే నెంబర్‌లో తమ భూములను ఎవరికీ విక్రయంచలేదని సర్వే సిబ్బందికి గిరిజనులు స్పష్టం చేశారు.