హైదరాబాద్, అక్టోబర్ 4: భారీ వర్షాలు, వరదల వల్ల తెలంగాణలో భూగర్భ నీటి మట్టం ఎనిమిదిన్నర మీటర్లకు పెరిగింది. మిషన్ కాకతీయ కార్యక్రమంలో భాగంగా చెరువుల పునరుద్ధరణ భూగర్భ నీటి మట్టం పెరిగేందుకు దోహదం చేసింది. ఒక్క మహబూబ్‌నగర్ జిల్లాలో తప్ప హైదరాబాద్‌తో పాటు రాష్ట్ర వ్యాప్తంగా భూగర్భ నీటి మట్టం భారీగా పెరిగింది. నీటిమట్టం పెరుగుదలపై తెలంగాణ భూగర్భ జల వనరుల శాఖ అధ్యయనం చేసింది.

హైదరాబాద్, అక్టోబర్ 4: తెలంగాణ వ్యాప్తంగా అన్ని మున్సిపాలిటీలు, కార్పొరేషన్ల పరిధిలో ఎల్‌ఈడి వీధి దీపాలు ఎర్పాటు చేయాలని ప్రభుత్వం నిశ్చయించింది. ఎల్‌ఈడి లైట్ల ఏర్పాట్ల పురోగతిపై ఆయా సంస్థల ప్రతినిధులతో మున్సిపల్ వ్యవహారాల శాఖ మంత్రి కె తారక రామారావు మంగళవారం సమావేశం నిర్వహించారు. ఈ సమావేశంలో ప్రభుత్వ రంగ సంస్థ యస్‌యస్‌ఎల్ యండి సౌరభ్ కుమార్ కూడా పాల్గొన్నారు.

హైదరాబాద్, అక్టోబర్ 4: రాష్ట్ర ప్రభుత్వంపై మజ్లిస్ పార్టీ ఒత్తిడి జిల్లాల ఏర్పాటులోనూ విస్తరించిందని బిజెపి మాజీ ఎమ్మెల్యే బద్దం బాల్‌రెడ్డి, పార్టీ రాష్ట్ర ఉపాధ్యక్షుడు ఎస్. మల్లారెడ్డి విమర్శించారు. మజ్లిస్ ప్రమేయం ఇంతకాలం జిహెచ్‌ఎంసి పరిధికే పరిమితం అనుకున్నామని, కొత్త జిల్లాల ఏర్పాటు విషయంలోనూ జోక్యం చేసుకుంటున్నదని వారు మంగళవారం ఒక ప్రకటనలో విమర్శించారు.

హైదరాబాద్, అక్టోబర్ 4: గ్యాంగ్‌స్టర్ నరుూం ముఖ్య అనుచరుల్లో ఒకరైన నల్గొండ జిల్లా భువనగిరికి చెందిన టిఆర్‌ఎస్ నేత చింతల వెంకటేశ్వరరెడ్డిని సిట్ అధికారులు అదుపులోకి తీసుకున్నారు. నరుూం ఎన్‌కౌంటర్ తరువాత వెంకటేశ్వర్‌రెడ్డి కర్ణాటకలో ఎక్కువ సమయం గడుపుతున్నట్టు పోలీసులు గుర్తించారు. హైదరాబాద్ భాగ్ అంబర్‌పేట లోని వైభవ్ నగర్‌లో నివాసముంటున్న ఆయన కొంతకాలం నుంచి బెంగుళూరులో ఉంటున్నట్టు తెలిసింది.