హైదరాబాద్, అక్టోబర్ 9: గడీల పాలన అంతమయ్యే రోజు ఆసన్నమైందని టీడీపీ ప్రధాన కార్యదర్శి నన్నూరి నర్సిరెడ్డి చెప్పారు. ఈ మేరకు హరీష్‌రావుకు నర్సిరెడ్డి ఒక లేఖ రాశారు. కేసీఆర్ ఆదేశాల మేరకే జేఏసీ నుండి టీడీపీని కోదండరామ్‌ను బహిష్కరించారని, లేఖలు రాయాల్సింది కాంగ్రెస్‌కో, కోదండరామ్‌కో, తెలుగుదేశం పార్టీకో కాదని, కేసీఆర్‌కు లేఖలు రాయాలని హరీష్‌రావుకు హితవుపలికారు.

హైదరాబాద్, అక్టోబర్ 9: రాష్ట్రంలో జరగనున్న సాధారణ ఎన్నికల సందర్భంగా రాజకీయ పార్టీలు, అభ్యర్థులు తాము మీడియాకు విడుదల చేసే ప్రకటనలకు సంబంధించి అనుమతి ఇచ్చే అంశాలను పరిశీలించేందుకు ప్రత్యేకకమిటీని నియమించారు. ఈ మేరకు చీఫ్ ఎలక్టోరల్ అధికారి, ఎక్స్ అఫీషియో ముఖ్యకార్యదర్శి డాక్టర్ రజత్ కుమార్ పేరుతో మంగళవారం ఒక జీఓ జారీ అయింది.

శంకరపట్నం: తెలంగాణలో మరో పరువు హత్య జరిగింది. కరీంనగర్ జిల్లా శంకరపట్నం మండలం తాడికల్‌లో గడ్డి కుమార్‌ అనే యువకుడిని యువతి బంధువులే చంపేశారని బంధువులు అంటున్నారు. కుమార్ ఓయువతితో ప్రేమను కొనసాగించాడు. ఈ క్రమంలో గత రాత్రి తాడికల్ శివారులో కుమార్ శవమై కనిపించాడు. యువతి బంధువులే కుమార్‌ను చంపేశారని ఇది ఖచ్చితంగా పరువు హత్యే అని యువకుడి బంధువులు అంటున్నారు. కుమార్ గ్రామంలో ఉద్రిక్తత నెలకొంది.

వరంగల్, అక్టోబర్ 8: దేశ భవిష్యత్‌ను రూపుదిద్దే ఆయుధం విద్యార్థుల చేతిలోనే ఉందని భారత ఉప రాష్ట్రపతి ఎం.వెంకయ్యనాయుడు అన్నారు. సోమవారం వరంగల్ ‘నిట్’లో జరిగిన వజ్రోత్సవ వేడుకల్లో ఆయన ముఖ్యఅతిథిగా పాల్గొన్నారు. ఈ సందర్భంగా ఆయన మాట్లాడుతూ భారతదేశం 2030 నాటికి మూడవ సంపన్న దేశంగా ఎదుగుతుందని చెప్పారు. విద్యార్థులు ఎప్పటికప్పుడు సరికొత్త పరిశోధనలు చేసి నూతన ఆవిష్కరణలకు నాంది పలకాలని ఆయన అన్నారు.