హైదరాబాద్, జూన్ 1: నాలుగేళ్ల పాలనలో చిన్నపాటి అవినీతి, అక్రమాలు లేకుండా ఎంతో పారదర్శకంగా, జవాబుదారీతనంతో ప్రజాసంక్షేమానికి పెద్దపీట వేస్తూ పోతున్నారని, దేశంలో 21 రాష్ట్రాల్లో బీజేపీ అధికారంలో ఉందంటే దానికి మోదీ అవినీతి రహిత పాలనే కారణమని బీజేపీ రాష్ట్ర అధ్యక్షుడు డాక్టర్ కే లక్ష్మణ్ అన్నారు. నాలుగేళ్ల పాలనలో మోదీ ప్రభుత్వం అనేక సంక్షేమ పథకాలను అమలుచేసిందని చెప్పారు.

హైదరాబాద్, జూన్ 1: కోటి ఆశలతో ఏర్పడ్డ తెలంగాణలో గత నాలుగేళ్లలో టీఆర్‌ఎస్ ప్రభుత్వం సాధించింది శూన్యమని టీడీపీ పొలిట్‌బ్యూరో సభ్యుడు రావుల చంద్రశేఖర్ రెడ్డి విమర్శించారు. టీఆర్‌ఎస్ నాలుగేళ్ల పాలనలో రాష్ట్రంలోని ఏ ఒక్క వర్గం సంతృప్తిగా లేరని అన్నారు.

నర్సంపేట, మే 31: రైతుల పట్ల కాంగ్రెస్ నాయకులు మొసలి కన్నీరు కారుస్తున్నారని, నలభై సంవత్సరాలు రాష్ట్రాన్ని పాలించిన కాంగ్రెస్ పార్టీ రైతులకు చేసిందేమి లేదని రాష్ట్ర ఆర్థికశాఖా మంత్రి ఈటల రాజేందర్ విమర్శించారు.

సిద్దిపేట, మే 31: కేంద్ర ప్రభుత్వం పెట్రోల్, డీజిల్ ధరలను 83 రూపాయలకు పైగా పెంచి.. కేవలం ఒక్క పైసా మాత్రమే తగ్గించి రాజకీయం చేస్తుందని ఏఐసీసీ కార్యదర్శి, మాజీ రాజ్యసభ సభ్యుడు వి.హన్మంత్‌రావు అన్నారు. పెట్రోల్ ధరల పెంపుతో ప్రజలు తీవ్ర ఇబ్బందులు పడుతున్న పట్టించుకోని మోదీ సర్కార్ 60 పైసలు తగ్గిద్దామనుకున్నామని, కానీ ఒక్క పైసా మాత్రమే తగ్గించామని చెప్పటం శోచనీయమన్నారు.