టెన్నిస్‌లో ఈ ఏడాది సంచలన ఫలితాలు నమోదయ్యాయి. కెరీర్‌లో అత్యధిక గ్రాండ్ శ్లామ్ టైటిళ్లు సాధించిన రోజర్ ఫెదరర్ తెరమరుగయ్యాడు. ప్రపంచ నంబర్ వన్ నొవాక్ జొకోవిచ్ అనూహ్యంగా వెనుకబడి, రెండో స్థానానికి పడిపోయాడు. ఆ స్థానాన్ని బ్రిటిష్ సూపర్ స్టార్ ఆండీ ముర్రే సొంతం చేసుకున్నాడు. మహిళల విభాగంలోనూ ఇలాంటి పరిస్థితే ఎదురైంది.

నిషిద్ధ మాదక ద్రవ్యాల వినియోగం క్రీడా రంగాన్ని కూకటివేళ్లతో సహా పెకళిస్తున్నది. దీనికితోడు ఒక దేశమే వ్యూహాత్మకంగా తమ దేశ అథ్లెట్లకు డ్రగ్స్‌ను అలవాటు చేసి, డోపింగ్ పరీక్షలు నిర్వహించినట్టు, అంతా సవ్యంగా ఉందంటూ తప్పుడు సమాచారమిచ్చి మరీ మేజర్ ఈవెంట్స్‌కు పంపడం, పతకాలు సాధించడం క్రీడలకు పట్టిన చీడను పెంచుతున్నాయి.

కొత్త అధ్యక్షుడిగా గియానీ ఇన్‌ఫాంటినో ఎన్నికైనప్పటికీ, అవినీతి ఊబిలో కూరుకుపోయిన ఫిఫా పరిస్థితుల్లో భారీ మార్పులేవీ కనిపించడం లేదు. ఐరోపా ఖండానికి చెందిన ఇన్‌ఫాంటినో ఈ రేసులో గట్టిపోటీదారు షేక్ సల్మాన్ బిన్ ఇబ్రహీం ఖలీఫాను 27 ఓట్ల తేడాతో ఓడించి సంచలనం సృష్టించాడు. సెప్ బ్లాటర్ వారసుడిగా, ఫిఫాకు 10వ అధ్యక్షుడిగా అవతరించాడు.

* ఉసేన్ బోల్ట్ పోటీపడుతున్నాడంటే చూడడానికి అభిమానులు ఎగబడతారు. స్టేడియంలో సీట్లు నిండిపోతాయి. కానీ, రియో ఒలింపిక్స్‌లో దీనికి భిన్నమైన దృశ్యం కనిపించింది. పురుషుల 100 మీటర్ల స్ప్రింట్‌లో బోల్ట్ పరుగును చూసేందుకు చాలా మంది రాలేదు. ఖాళీ కుర్చీలు దర్శనం ఇవ్వడంతో నిర్వాహకులు తెల్లబోయారు.