సాలూరు, సెప్టెంబర్ 2: విజయనగరం జిల్లా సాలూరు పట్టణంలో ఒక ప్రైవేటు స్కూల్లో విద్యార్థిపై ఆ స్కూల్ ఉపాధ్యాయురాలు దాడిచేసిన సంఘటన ఆలస్యంగా వెలుగులోకి వచ్చిం ది. తాడావారి వీధిలో ఉన్న దీప్తి స్కూల్లో రెండో తరగతి చదువుతున్న జె.తరుణ్ బుగ్గలపై పాఠశాల ఉపాధ్యాయురాలు లావణ్య చెప్పుతో కొట్టడంతో ఆ బాలుడి బుగ్గలు కందిపోయాయి.

కాకినాడ, సెప్టెంబర్ 2: కులాల మధ్య చిచ్చు రగిల్చేందుకు ప్రయత్నిస్తున్న ప్రతి పక్ష నేత జగన్మోహన్‌రెడ్డికి ప్రజలే తగిన బుద్ధి చెప్పారని, ఇప్పటికైనా జగన్ తన వైఖరి మార్చుకోవాలని రాష్ట్ర పౌర సరఫరాల శాఖ మంత్రి ప్రత్తిపాటి పుల్లారావు సూచించారు. నంద్యాల, కాకినాడ ఎన్నికల్లో తెలుగుదేశం అభ్యర్ధులకు జనం బ్రహ్మరథం పట్టడంతో చంద్రబాబు ప్రభుత్వంపై ప్రజలు పూర్తి విశ్వాసంతో ఉన్నట్టు రుజువైందన్నారు.

విశాఖపట్నం, సెప్టెంబర్ 2: రాయలసీమ నుంచి దక్షిణ తమిళనాడు వరకూ అల్పపీడన ద్రోణి ఏర్పడిందని, ఇది స్థిరంగా ఉందని విశాఖ తుపా ను హెచ్చరికల కేంద్రం అధికారులు శనివారం రాత్రి తెలిపారు. దీని ప్రభావంతో రాగల 24 గంటల్లో రాయలసీమ, దక్షిణ కోస్తాలో ఒక మోస్తరు వర్షాలు, ఒకటి,రెండు చోట్ల భారీ వర్షాలు కురుస్తాయని తెలిపారు. ఉత్తర కోస్తాలో పలు చోట్ల తేలికపాటి జల్లులు కురిసే అవకాశం ఉందన్నారు.

కడప, సెప్టెంబర్ 2: దివంగత నేత డాక్టర్ వైఎస్ రాజశేఖర్‌రెడ్డి 8వ వర్ధంతిని పురస్కరించుకుని కడప జిల్లా వేంపల్లె మండలం ఇడుపులపాయలోని వైఎస్ ఘాట్ వద్ద శనివారం ఆయన కుటుంబసభ్యులు, ఎంపిలు, ఎమ్మెల్యేలు ఘనంగా నివాళులర్పించారు. ప్రతిపక్ష నేత వైఎస్ జగన్మోహన్‌రెడ్డి తన కుటుంబసభ్యులతో కలిసి ఉదయమే ఘాట్‌కు చేరుకున్నారు. అక్కడ ఉన్న వైఎస్ విగ్రహానికి పూలమాలలు వేసి నివాళులర్పించారు.