హైదరాబాద్, జూన్ 13: వైకాపా అధ్యక్షుడు వైఎస్ జగన్మోహన్ రెడ్డికి హైకోర్టులో చుక్కెదురైంది. కృష్ణా జిల్లా నందిగామ పోలీసుస్టేషన్‌లో జగన్ ప్రభుత్వాధికారుల పట్ల దురుసుగా ప్రవర్తించారన్న అభియోగంపై నమోదైన కేసును కొట్టివేయాలని కోరుతూ దాఖలైన రెండు పిటిషన్లను హైకోర్టు కొట్టివేసింది.

భీమవరం, జూన్ 13: ఇక నుంచి ఆంధ్రప్రదేశ్‌లోని పురపాలక సంఘాల్లో తడి-పొడి చెత్తను వేర్వేరుగా సేకరించనున్నారు. ఇప్పటికే నగరాల్లో అమల్లో ఉన్న ఈ విధానాన్ని పట్టణాల్లో సైతం అమలుచేయనున్నారు. ఈమేరకు పుర పరిపాలనా శాఖ ఆదేశాలు జారీ చేసింది. ఈ విధానంపై ప్రజలకు అవగాహన కల్పించడానికి బహిరంగ ప్రదేశాల్లో స్వచ్చ్భారత్‌లో భాగంగా తడిపొడి చెత్త సేకరించే ఫ్లెక్సీలను ఏర్పాటుచేస్తున్నారు.

గుంటూరు, జూన్ 13: కాపు రిజర్వేషన్లపై ప్రభుత్వంతో తాడో పేడో తేల్చుకునేందుకు మాజీమంత్రి, కాపు ఉద్యమనేత ముద్రగడ పద్మనాభం సన్నద్ధమవుతున్నారు. ఇందులో భాగంగా వచ్చేనెల 26వ తేదీన తూర్పుగోదావరి జిల్లా కిర్లంపూడి నుంచి రాజధాని అమరావతికి పాదయాత్ర నిర్వహిస్తున్నారు. ఇప్పటి వరకు రెండు సార్లు తలపెట్టిన పాదయాత్రను ప్రభుత్వం అడ్డుకున్న నేపథ్యంలో ఈ సారి శాంతియుతంగా పూర్తిచేయాలనే పట్టుదలతో ఉన్నట్లు సమాచారం.

విశాఖపట్నం, జూన్ 13: మరో 48 గంటల్లో నైరుతి రుతుపవనాలు రాష్ట్రం అంతటా విస్తరించనున్నాయి. ప్రస్తుతం ఆంధ్రప్రదేశ్‌లో నర్సాపూర్, తెలంగాణలో ఆదిలాబాద్ ప్రాంతాల్లో ప్రభావం చూపుతున్న రుతుపవనాలు, మెల్లమెల్లగా ఉత్తర కోస్తాకు విస్తరించే అవకాశం ఉందని విశాఖ తుపాను హెచ్చరికల కేంద్రం అధికారులు మంగళవారం రాత్రి తెలిపారు. రుతుపవనాలు విస్తరించే క్రమంలో బుధవారం నుంచి క్రమంగా వర్షాలు కురుస్తాయని పేర్కొన్నారు.